阿糊雲南米線 (已結業)

1月31日, 继续我俩的米线瘾~ 天后云云食肆争霸战中出现了一间比较少有的云南米线舖… 舖头前身系越南人. 变身云南米线的阿糊门面桌凳其实没有太大改装, 不过环境总算光猛洁净.::: 牛展鸡翼米线 ::: $26呢个孖料通常都系必叫架喇~ 因为够晒啖啖肉! 鸡翼size比正常出面大只, 不过有d干, 卤水味都算足嘅~ 牛展就太实, 味道叫ok~ 米线弹牙, 但走酸辣嘅汤底同滚水无乜分别, 都系无乜味… 少量摆底嘅芽菜亦唔够熟…::: 秘制排骨米线 + 冻柠宾 ::: $26 + $5睇下个汤底~ 加酸辣竟然系一层橙色嘅油, 有d恐怖… 味道好似辣椒油, 不过唔酸~ 汤底都系唔得… 秘制排骨反而都可以. 炸完唔系好干, 仲有肉汁, 同有一种香料嘅味道, 唔错. 而要赞嘅系加$5就有一杯冻柠宾. 系冲水开𠮶d, 不过味道调教得几好, 唔太甜. 闻说阿糊个老版仲念住大展拳脚开多几间分店! 但系以咁嘅质素想鸿图大展嘅话真系有难度! 以佢地嘅门面配套各方面都系有潜质嘅, 但米线个汤底都好重要架~ 如果唔改善, 好难留到客!