割烹 櫓杏 (iSQUARE國際廣場)

营业中

休息中

前几日过开嚟尖沙咀食嘢，见到呢间好似几吸引所以想试吓，今日又要出嚟尖沙咀，特登过嚟试一试！入去之前都有望过个Menu，觉得午饭时间抵食啲，所以都系决定午饭时候过嚟帮衬！今次由于疫情关系，拣咗熟食！而系芸芸嘅熟食当中，拣咗样每日得5份嘅吉列和牛定食黎试！就咁睇张相好似好丰富，所以好吸引！但系嚟到嘅时候，其实系有啲失望。可能我坐喺寿司枱嘅关系，张枱唔够位放个盘，所以店员系要将啲食物一碟碟再放喺我枱面，食饭体验已经好似冇咁好。要留意嘅系，杯嘢饮系要另外加$20先有。另外右下角𠮶个系我另外加$38点嘅竹筒豆腐。吉列和牛拣咗五成熟，但系上到嚟其实冇张相咁靓，同埋感觉上都好肥下。不过呢个吉列和牛系几好食嘅，可能都因为够肥所以好林，而且好重牛肉味。另外想赞下佢个甜品，跟餐嘅甜品系意料之外嘅好食，但系因为估唔到所以冇特登影相。而面豉汤同埋前菜就非常失望。蒸蛋亦都好普通甚至系属于中下水平。不过就要赞下呢个竹筒豆腐，非常非常非常非常非常之重豆腐味，而且好滑，下次嚟会再叫。（甜品就系喺竹筒豆腐后面𠮶细碟）个豆腐嘅口感有啲似奶冻。但系如果比我再拣，我都会选择试其他餐厅先。有进步空间。