雅 ‧悠蔬食

营业中

休息中

呢度好近我公司，所以之前都嚟食过几次，水准都好稳定，今次系第一次夜晚嚟食饭，菜式嘅选择同中午好唔同，有机会食佢哋嘅出名菜式。前菜日本黑豆亚塔子黑木耳及豆丝粉皮，食落几清新。香芒牛油果苜蓿手卷，都感觉到日式的味道。白松露椰菜花忌廉浓汤，冇黑松露味道浓烈，但都有好重嘅香菇味，汤底都几顺滑。和风黑松露扁意粉加吉列牛油果，吉列牛油果食落好似炸生蚝，中间食到一阵阵嘅鲜味。小食拼盘有齐5款食物，酥炸蒟蒻都系第一次食，识落都有少少层次口感。沙嗲串烧，佢哋嘅沙嗲汁做得好正宗，配合素串烧，好有马来西亚沙嗲嘅风味。泰式如饼食落有少少似泰式蟹肉饼，都几得意。