吉利尼 (已結業)

今日三人行嚟到屯门安定𠵱间sell新加坡食物嘅餐厅食。人流少，但就系因为'新加坡'𠵱三个字吸引我哋。原来都偏向自助式，要自己喺柜枱买食物，立即俾钱，之后摆个牌，待应就会送餐过嚟。舖面环境几好但一望出去就系人，如果拣坐某啲位会同路人距离好近嘅感觉，得块落地玻璃隔住，会有你眼望我眼嘅情况。但店舖播住英文歌，又够静，有relax嘅感觉，都唔错。我哋叫咗个海南鸡饭、前后2客咖椰多士、西多士、蕃茄火腿蛋通粉、冻奶茶、2杯美绿恐龙(即系美绿饮品)丶泡芙。一共$160海南鸡饭得几旧鸡，完全唔够配饭，唔好食，鸡唔新鲜，冇味，完全唔知自己食紧海南鸡饭！价钱唔平，唔抵！咖央多士好食，好香，多士焗得刚刚好，一啖咬落去，满足！所以叫完再叫。西多士配咖椰别有一番风味，但我prefer咖央多士，因为冇蛋味影响，更享受到咖央的风味！蕃茄火腿蛋通粉 有得选择醒餐肉or火腿。 蛋系煎蛋，我以为系炒蛋.. 但个通粉唔错，有好香浓蕃茄味。饮品方面，美绿恐龙好浓，饮多几啖就会唔想饮落去，太''杰''! 搞到最后净咗成大杯。 奶茶一般，同价钱质素合理。泡芙就普通啦，都唔会系自己整。总体，我都系最满意咖央多士，最有特色、最好食！