鮮‧港式串燒吧 (已搬遷) 新店位置

约左旧同学细味人生， 相约观塘食嘢，今次我就带佢去番上次食过嘅串烧店，贪佢可以慢慢坐倾下计。乳猪一份， 直情系重点，性价比一样咁高，今次煮得更出色，外皮脆卜卜，肥瘦适中乳猪仔仲要起埋骨， 啖啖肉。粟米一串， 估唔到一串有四旧咁多， 烧到啱啱好熟， 外表有少少烧焦嘅味道，但系又唔会过火，完全带出咗粟米嘅香甜。冬菇一串加脆卜卜豆卜一串， 平时bbq我嘅最爱烧豆卜， 估唔到一样同我咁识食， 不过佢烧得更香。盐烧鸡中翼， 鸡翼大大只， 抵食到满分。芝士烟肉大蘑菇， 上次冇叫到 今次即刻食番，大大只烧到入面岩岩好，完全唔会干水。最后汽水两罐， 啱啱好作为一餐完美嘅终结。不过最欣赏嘅都系食下野倾下计一流。