南苑海鮮酒家

营业中

休息中

平时同同事都系食西餐，㖊日放工之后，我哋想试啲唔同嘅嘢，就拣咗呢间海鲜酒家。佢哋嘅炭烧乳猪绝对系今晚嘅亮点。摆盘好特别，有个猪头，跟住猪嘅造型摆。乳猪皮烧得焦脆透亮，插落去仲听到清脆嘅声音，口感外皮酥脆，好好食！芝士龙虾伊面睇落就好美味。龙虾肉质好鲜美，配上浓郁嘅芝士，我哋每一啖都好享受，虾肉仲好弹牙，口感非常好。沾咗芝士嘅伊面，好有咬劲，浓郁嘅芝士味，食到停唔到口。咕噜肉炸得金黄酥脆，旁边仲有好可口嘅菠萝。肉质软嫩多汁，酸酸甜甜，每一啖配埋菠萝，口感更加好。油浸笋壳鱼嘅外皮炸得好酥香，鱼肉好软滑，整体又唔会好油腻。呢道菜都系令人大赞嘅。我哋仲叫咗腊味炒芥兰，腊味嘅咸香配埋炒芥兰，真系好香又好食，芥兰好新鲜。呢间舖头嘅叉烧，我哋食完都大赞。叉烧腌得好入味，蜜汁配埋鲜嫩嘅肉，好香又好食。呢度每一道菜都非常好食，下次我仲要带埋我家人嚟试试。