影片
更多
2023-04-02
722 浏览
沙田最近开咗寿司郎居酒屋，见到佢哋开张试业$36有3件大拖就谂住去试吓，点知原来一早已经卖晒(´๑•_•๑)不过一场嚟到就试吓啦～🍽食物佢哋嘅寿司选择同寿司郎比较感觉差唔多，不过就多咗啲特色小食/菜式，所以我都讲吓有边啲印象特别深刻～👉🏻杉玉薯仔沙律 $48 6.5/10相信嚟得食嘅都会嗌呢个薯仔沙律，造型好得意，影完相之后就将佢倒落个碟到捞匀食，薯仔沙律球由甜姜、海苔粉、虾干包住，入面仲有流心蛋，不过调味偏咸，咸到余韵系带少少苦味👉🏻雾锁玉龙藏仙山 $68 6.5/10个名好似好架势，原来系鳗鱼玉子同山药泥一齐蒸，甜甜哋，但系冇乜层次，所有野嘅口感都好淋🫣唔系我中意嘅口感⋯👍🏻干海老蚬肉拌鸟冬 $38 7/10虾干加蚬肉有淡淡海鲜味，乌冬质感弹牙，而且蚬肉数量都唔少～我哋拣左几款自选寿司，讲吓边啲都值得试试：✨炙烧海胆牛油安康鱼肝寿司 $30炙烧左嘅寿司好难唔好食🤭海胆鲜甜，安康鱼肝系第一次食，但系完全冇怪味，可能都系被海胆嘅鲜甜盖过咗～整体口感绵密✨圆鳍鱼鱼子酱赤虾寿司 $38鱼子酱咸鲜味十足，赤虾系一向嘅肉厚爽弹，放埋一齐估唔到咁夹，咬爆鱼子酱仲会增加口感～✨炙烧昆布渍鲽鱼鳍边寿
🍽食物
佢哋嘅寿司选择同寿司郎比较感觉差唔多，不过就多咗啲特色小食/菜式，所以我都讲吓有边啲印象特别深刻～
👉🏻杉玉薯仔沙律 $48 6.5/10
相信嚟得食嘅都会嗌呢个薯仔沙律，造型好得意，影完相之后就将佢倒落个碟到捞匀食，薯仔沙律球由甜姜、海苔粉、虾干包住，入面仲有流心蛋，不过调味偏咸，咸到余韵系带少少苦味
👉🏻雾锁玉龙藏仙山 $68 6.5/10
个名好似好架势，原来系鳗鱼玉子同山药泥一齐蒸，甜甜哋，但系冇乜层次，所有野嘅口感都好淋🫣唔系我中意嘅口感⋯
👍🏻干海老蚬肉拌鸟冬 $38 7/10
虾干加蚬肉有淡淡海鲜味，乌冬质感弹牙，而且蚬肉数量都唔少～
我哋拣左几款自选寿司，讲吓边啲都值得试试：
✨炙烧海胆牛油安康鱼肝寿司 $30
炙烧左嘅寿司好难唔好食🤭海胆鲜甜，安康鱼肝系第一次食，但系完全冇怪味，可能都系被海胆嘅鲜甜盖过咗～整体口感绵密
✨圆鳍鱼鱼子酱赤虾寿司 $38
鱼子酱咸鲜味十足，赤虾系一向嘅肉厚爽弹，放埋一齐估唔到咁夹，咬爆鱼子酱仲会增加口感～
✨炙烧昆布渍鲽鱼鳍边寿司 $30
平时去食寿司郎一定会嗌鲽鱼鳍边，因为佢油脂丰富，今次呢件都冇失望，炙烧过一放入口即刻食到浓浓油脂香气
✨特玉(盛合）$158 7.5/10
【大吞拿鱼鱼腩/炙烧大吞拿鱼腩/中吞拿鱼腩/鲷鱼/赤虾/赤贝/特大帆立贝/鳗鱼】
呢个set有8件寿司，虽然全部都系喺寿司郎会食得到嘅😂但系CP值算几高！同埋大拖肥美冇筋，系寿司郎岩岩开张嘅水准
另外仲食左：
👉🏻干杯三文鱼亲子腐皮寿司 $30
👉🏻炙烧蓝鳍大吞拿鱼腩 $30
👉🏻超满足炙烧 $33
【三文鱼/海鳗/盐醋渍鲭鱼】
👉🏻鳗鱼玉子卷 $33
本身冇谂住特别讲，但系佢嘅紫菜淋晒，韧到好似摆左几日咁
👉🏻超满足海盐柠檬 $33
【油甘鱼/鲷鱼/鱿鱼】
无论系海盐定柠檬味都唔突出，同普通寿司冇乜分别，但系肉质系新鲜嘅～
👉🏻大啖满足茶碗蒸 $28
👉🏻南蛮炸鸡 $42
⛩环境
👍🏻座位阔落，环境光猛，以木系作为主调，整体坐得舒服，仲有好多日本特色画作装饰
💁🏼♀️服务
👍🏻员工亲切友善，会讲解某啲菜式嘅食法
📝总评 7/10
食物质素正常，但系会忍唔住成日将佢同寿司郎比较😂觉得寿司质素好似差唔多咁，但系价位就唔相似啦～同埋唔值得排咁耐食🫣如果唔使排队都会考虑吓嘅～
👛人均消费 ~$220(连加一服务费)
⏱100分钟
张贴
