春宵

营业中

休息中

𠮶日喺湾仔啱啱撞到好耐冇见嘅朋友，心血来潮约咗一齐食晚餐，啱啱附近有间火锅店，春宵。我哋就决定一齐去𠮶边边食边倾偈。⭐️冬阴功西瓜海鲜汤香味四溢，浓郁嘅冬阴味扑鼻而嚟，睇嚟我哋拣啱汤底喇。配上多款海鲜煮成嘅汤底，充满鲜味仲带点微辣，令我哋好开胃。⭐️济州猪腩肉试吓呢个济州猪腩肉，睇落色泽唔错，脂肪又分布得体，煮熟咗果然唔出我所料，入口即溶，鲜嫩好食。⭐️炸午餐肉带有少少咸味，口感柔软，系一个必叫嘅小食嚟边食边饮。⭐️鲜虾滑食火锅边少得虾滑，满满嘅虾肉，一粒粒咁煮，口感好鲜甜，食落去好满足。喺度食火锅梗系唔少得啤酒嚟放松吓自己，逃避吓现实。仲有呢度嘅芒果汁都特别好饮，清新爽口，又可以解腻，令我哋继续食。