宴 尖沙咀

放工后，我好兄弟约我出嚟食日本餐。佢话佢唔耐前朋友介绍呢间日本餐厅好唔错，想拉我一齐去试下。呢间店嘅装修好唔错，一入嚟就知系食日本餐嘅地方。入面仲排咗一排排嘅酒水。阿林好钟意食牛肉，一嚟就直接点咗佢哋嘅和牛。佢哋嘅和牛入口即溶，味道好浓郁，阿林越食越上瘾。最后食唔够，后尾仲点咗牛脷。虽然我唔太敢食牛脷，但系睇到阿林一下就解决咗一盘牛脷，敢食牛脷嘅应该会好钟意。后尾仲上咗鸡肝同花生豆腐。软嫩嘅鸡肝好受我哋欢迎，味道好鲜美。花生豆腐非常软嫩细腻，真系好好食。佢哋嘅炸苦瓜片好好食，连我唔太钟意苦瓜嘅都可以食，酥脆嘅感觉好唔错。鸡肉串都好唔错，上面仲有梅子酱，一齐食，味道好独特又美味。阿林𠮶阵点咗苦瓜茶，而我惊太苦点咗【Suntory Kaku High Ball】。阿林话佢嘅苦瓜茶微甘唔苦，好清凉。我𠮶杯就口感清新，好爽口嘅饮品。我哋都食到好开心，仲会再嚟。谂住下次带屋企人一齐嚟食。