千鍋居 (已結業)

今次同学聚会拣了左敦的千锅居，平时我地的聚会都好难揾位，次次十几人，一系要等好耐，一系要分台坐，今次来到千锅居居然吾洗等。上到去经理帮我地揾左张大圆台，台与台之间条走廊超阔，真系成条走廊甘，坐得好舒服。周围的装修都好有心思，见到D旧相片，仲有好大只gie雀笼，好有意境阿。呢度大部分的菜色都系锅物，因为第一次来唔知叫咩好，就叫经理介绍下。经理首推蟹鸡煲，食落D鸡好滑，虽然只蟹吾系好大只，但都好肥，好实肉，真系估吾到鸡同蟹原来咁夹。食到咁上下，经理行埋来，话帮我地劳乌冬。原来D蟹同鸡只系配角za，汤先系精华所在。乌冬索晒D汁，真系好正。我地仲叫多左一碟乌冬，一滴汁都冇浪费。另外一样值得推介的系九制猪手，单系听个名都觉得好开胃阿。D话梅酸酸甜甜，猪手煮得好入味，一D都吾肥腻，我平时吾食肥肉，今次都忍吾住食多件。不过份量吾系好多，最适合3,4个人食。我地咁多人，真系手快有，手慢冇。其他菜都好好味，不过吾系好记得D名，哈哈。总之我地碟碟清晒。服务都几好，时不时有人帮我地换骨碟，添茶。可能系开张，埋单果阵经理叫我地俾下意见，话迟D仲会推出新菜式，叫我地记得来试。下次聚会有多左个地方啰。