牛牛日式火鍋放題 (海之戀商場) (已結業)

自从搬咗出去住之后好耐冇同过妈咪食饭啦，妈咪生日话想打边炉，费事要佢喺屋企洗咁辛苦就带咗佢嚟呢间荃湾嘅任食放题到食嘢。平时食开麻辣汤底嘅我都想试吓啲新嘢，今次就叫咗泰酸辣虾锅，估唔到味道又唔错㖞，酸酸辣辣咁都系好惹味。妈咪就食开啲清淡啲嘅汤底，佢就叫左个极之鲣鱼锅。放题紧系要食返啲贵价野，佢哋呢到嘅海鲜我有食过咁多间之中最新鲜嘅，佢哋啲虾弹牙又大只，我一个人食咗十几只😂仲有丹麦封门牛柳都系好高质嘅牛，牛柳嘅口感唔算软，系有啲咬口𠮶种，但系有好香浓嘅牛肉味渗出嚟，正！仲有好多特色小食，就连日本嘅大阪烧都有添😆