影片
更多
2013-05-02
757 浏览
钟意食野嘅我 之前从来没有写过食评, 今次喺呢度食完晚饭后, 因为有很大嘅惊喜, 所以就第一次写食评~~第一次到呢间酒店感觉装修好靓, 有条长长嘅楼梯, 好吸引啊 (可惜忘记影相), 到达2楼嘅 紫粤轩 , 环境很靓, 设计时尚, 装修很优雅 , 我们被安排坐在落地玻璃附近, 很有空间感, 好舒适啊 (可惜都系忘记影相)第一道菜系 "片皮鸭" , 做得好出色 好好味, 片皮鸭嘅皮又薄又热, 而侍应都片得厚薄适中第二道菜系 "炖汤-海中宝" , 个个都话好好饮, 好足料, 寿星仔更争住要饮多碗添, 哈哈 第三道菜系 "叉烧海蜇拼盘" , 个个都对叉烧赞口不绝, 肥瘦适中, 好淋好Juicy 呀, 有人重话好想包走一条明天吃, 哈哈~~第四道菜系 "金沙虾球＂，虾肉够爽加上咸蛋黄嘅香味，我都忍唔住争食咗几件第五道菜系＂砵酒蚝＂生蚝够肥美而且一d沙都冇，好吃笫六道菜系＂豉汁炒蚬＂，呢个蚬食落冇沙 但就偏咸，如果唔系偏咸就一定好抢手第七道菜系＂片皮鸭二食＂，呢个二食方法我地系第一次试到，平时二食只会将鸭肉切片，今次系将鸭肉切粒（真系好多功夫），再用生菜包住食，反而咁样食真系冇咁漏，好方法第八
第一次到呢间酒店感觉装修好靓, 有条长长嘅楼梯, 好吸引啊 (可惜忘记影相), 到达2楼嘅 紫粤轩 , 环境很靓, 设计时尚, 装修很优雅 , 我们被安排坐在落地玻璃附近, 很有空间感, 好舒适啊 (可惜都系忘记影相)
第一道菜系 "片皮鸭" , 做得好出色 好好味, 片皮鸭嘅皮又薄又热, 而侍应都片得厚薄适中
第二道菜系 "炖汤-海中宝" , 个个都话好好饮, 好足料, 寿星仔更争住要饮多碗添, 哈哈
第三道菜系 "叉烧海蜇拼盘" , 个个都对叉烧赞口不绝, 肥瘦适中, 好淋好Juicy 呀, 有人重话好想包走一条明天吃, 哈哈~~第四道菜系 "金沙虾球＂，虾肉够爽加上咸蛋黄嘅香味，我都忍唔住争食咗几件
第五道菜系＂砵酒蚝＂生蚝够肥美而且一d沙都冇，好吃
笫六道菜系＂豉汁炒蚬＂，呢个蚬食落冇沙 但就偏咸，如果唔系偏咸就一定好抢手第七道菜系＂片皮鸭二食＂，呢个二食方法我地系第一次试到，平时二食只会将鸭肉切片，今次系将鸭肉切粒（真系好多功夫），再用生菜包住食，反而咁样食真系冇咁漏，好方法第八道菜系＂龙虾汤响米海鲜泡饭＂，我本人就好钟意个龙虾汤，好鲜甜
第九道菜系＂海鲜稻庭面＂，估不到这3款菜都咁清甜同嫩滑
第十道菜系＂脆麻花＂，又脆又松化，好味道
第十一道菜系＂蒸红枣糕＂清甜好味
第十二道菜系＂蒸寿包＂，大大个咸蛋黄喺里面，正
食埋酒店送嘅生果拼盘，个个都食到好满足，价钱于5星级酒店黎讲算系合理，下次一定会再来食
张贴
