影片
更多
2024-10-06
183 浏览
早排经过元朗，突然醒起之前食过一间生煎包店味道唔错，附近好似有分店，谂住去再食，去到果然系最多人食𠮶间。好好彩啱啱有张枱空出嚟，唔使等位，我同朋友都有啲饿，就谂住咩都叫啲黎食。 第一样上嘅系原味上海小笼包。热辣辣一拎起，已经见到入面嘅汤朗朗下，包皮仲系透明嘅，好薄，一睇就知皮薄馅靓。咬开啲汤汁即刻涌出嚟，味道鲜甜，食得好满足。 跟住上嘅系我哋叫嘅两款生煎包，分别系招牌生煎包同蟹粉生煎包。招牌𠮶款已经好好食，底部煎得脆口，但唔会㶶，唔会太硬，啱啱好。有之前食生煎包嘅经验，搣开少少包皮，先饮一啖热辣辣嘅肉汁，真系好香好浓郁。而蟹粉生煎包更鲜味，一咬落去，蟹粉嘅鲜甜味即刻释放出嚟，睇得出佢有满满既蟹粉。 最后仲叫咗两款主食，葱油鸡扒饭同鸡丝粉皮。葱油鸡扒同平时食开嘅葱油唔同，呢度系用干葱整嘅，估唔到有几香。而鸡丝粉皮都做得唔错，麻酱配埋鸡丝本身都好夹。最贴心嘅系，枱边仲有张纸写住如果唔够麻酱可以再加，真系好细心。 总括嚟讲，想要啲平价美食，呢一间绝对可以满足到我嘅口味，不枉我一食再食。🤩 #刘兴记元朗店生煎包专门店
第一样上嘅系原味上海小笼包。热辣辣一拎起，已经见到入面嘅汤朗朗下，包皮仲系透明嘅，好薄，一睇就知皮薄馅靓。咬开啲汤汁即刻涌出嚟，味道鲜甜，食得好满足。
跟住上嘅系我哋叫嘅两款生煎包，分别系招牌生煎包同蟹粉生煎包。招牌𠮶款已经好好食，底部煎得脆口，但唔会㶶，唔会太硬，啱啱好。有之前食生煎包嘅经验，搣开少少包皮，先饮一啖热辣辣嘅肉汁，真系好香好浓郁。而蟹粉生煎包更鲜味，一咬落去，蟹粉嘅鲜甜味即刻释放出嚟，睇得出佢有满满既蟹粉。
最后仲叫咗两款主食，葱油鸡扒饭同鸡丝粉皮。葱油鸡扒同平时食开嘅葱油唔同，呢度系用干葱整嘅，估唔到有几香。而鸡丝粉皮都做得唔错，麻酱配埋鸡丝本身都好夹。最贴心嘅系，枱边仲有张纸写住如果唔够麻酱可以再加，真系好细心。
总括嚟讲，想要啲平价美食，呢一间绝对可以满足到我嘅口味，不枉我一食再食。🤩
#刘兴记元朗店生煎包专门店
张贴
