盈苑

营业中

休息中

寻日下午，我带咗我爷爷嚟呢度食点心。佢老人家一直都好钟意食点心。因为大家都忙住工作，好少机会带佢出嚟餐厅食。寻日啱啱有空，就带佢嚟食点心。𠮶阵点咗山竹流心球。我觉得呢道几有创意，喺山竹入面加入浓郁嘅流心。混住食，非常香甜，而且好软糯。接住，点咗我哋都钟意嘅小笼包。小笼包入面嘅汤汁鲜香丰富，肉馅滋味十足。咬开𠮶阵，入面嘅热汤汁非常鲜美，配上鲜嫩嘅肉质，真系令人回味无穷。我爷爷仲点咗青瓜海蜇。食落去好清脆，又凉爽。海蜇同青瓜嘅配搭，味道非常鲜美而且仲富有层次感。几唔错。香煎芋丝夹俾佢哋处理得好好。外皮煎得金黄酥脆，一睇就好有食欲。咬落去，外酥内嫩，非常可口而且好香。最后一道系鱼肚，入面仲放满满嘅虾。口感一流，嫩嫩嘅鱼肚同鲜甜弹牙嘅虾肉，配埋一齐食，真系超好食！鱼肚煮得啱啱好，唔会硬。𠮶次嘅食物都非常好食，我哋都食得好满足。