Spiaggia

营业中

休息中

同老婆夜晚揸车入赤柱浪漫下，泊低架车。就行下睇下有乜好嘢食，见到依间就试下啦！服务态度几好，好热情嘅招呼。知道我哋食烟嘅，就安排张近街嘅枱畀我。食物质素就可以，又唔系其他评语讲得咁差。我叫左4样嘢，有一个肉眼扒。因为老婆唔太食得太生，所以就要左7成熟。嚟到都做到有7成，唔错。再叫左烧猪肋骨，味道同我喺其他餐厅食到嘅一样，份量都算多。再叫左牛肉肠仔+薯蓉，肠仔好大条。最后加埋生蚝，见佢个价钱又唔系太贵，喺咁嘅地区环境。价钱唔算贵，188蚊有6只。蚝好新鲜，食落口好鲜味，整体感觉我会再返嚟食其他嘢