影片
更多
2018-08-24
50 浏览
中环觅食, 选择真系非常之多. 苏豪, IFC, 威灵顿街…, 每个地方都聚集咗唔少高质素嘅餐厅.今日就嚟到S2 Kitchen ! 之前一直听朋友讲话呢间餐厅用料新鲜不特止, 仲出手阔绰, 今次食完之后真系觉得朋友无夸张!!!!!首先我哋叫咗个十层海胆杯, 剩系呢个海胆杯都已经用料十足. 虽然只杯就唔系话好大只, 系香槟杯咁嘅size, 不过入面D馅就好丰富, 有北海道海胆, 冲绳海葡萄, 蓝鲸拖罗蓉, 三文鱼子, 白虾, 松叶蟹肉, 最底仲有D海橾.每款刺身都用料新鲜, 海葡萄咸咸地, 脆卜卜咁, 感觉几得意. 北海道海胆分上中下三层布满只杯嘅不同位置, 对于海胆控嘅我嚟讲, 真系睇见都心心眼.咪睇佢杯仔细细, 份量真系多, 两个人share食, 完全唔会觉得唔够食, 大家都好满足.食完个海胆杯, 我哋又叫咗个海胆烧岩蚝. 有壳岩蚝上面铺咗个白汁, 再烧至表面金黄色, 上面铺上海胆同蟹子.岩蚝其实都有半只手掌咁大只, 本身想一啖放入口, 但实在大得滞, 唯有分开食. 蚝肉肥美, 入口啖啖肉, 而且滑溜. 海水味虽然唔算重, 不过配合埋海胆嘅鲜味, 味道又几夹, 仲有最上层脆卜卜嘅
今日就嚟到S2 Kitchen ! 之前一直听朋友讲话呢间餐厅用料新鲜不特止, 仲出手阔绰, 今次食完之后真系觉得朋友无夸张!!!!!
首先我哋叫咗个十层海胆杯, 剩系呢个海胆杯都已经用料十足.
虽然只杯就唔系话好大只, 系香槟杯咁嘅size, 不过入面D馅就好丰富, 有北海道海胆, 冲绳海葡萄, 蓝鲸拖罗蓉, 三文鱼子, 白虾, 松叶蟹肉, 最底仲有D海橾.
每款刺身都用料新鲜, 海葡萄咸咸地, 脆卜卜咁, 感觉几得意. 北海道海胆分上中下三层布满只杯嘅不同位置, 对于海胆控嘅我嚟讲, 真系睇见都心心眼.
咪睇佢杯仔细细, 份量真系多, 两个人share食, 完全唔会觉得唔够食, 大家都好满足.
食完个海胆杯, 我哋又叫咗个海胆烧岩蚝. 有壳岩蚝上面铺咗个白汁, 再烧至表面金黄色, 上面铺上海胆同蟹子.
岩蚝其实都有半只手掌咁大只, 本身想一啖放入口, 但实在大得滞, 唯有分开食. 蚝肉肥美, 入口啖啖肉, 而且滑溜. 海水味虽然唔算重, 不过配合埋海胆嘅鲜味, 味道又几夹, 仲有最上层脆卜卜嘅蟹子, 令到成个烧岩蚝口感层次好丰富.
烧鸡翼, 我自细钟意食, 烧鲍鱼鸡翼, 就真系人生第一次食. 一见到佢上枱就真系非常兴奋喇~!! 鸡翼外层烧到微焦金黄, 入面酿 咗一只细鲍鱼仔. 讲真我又无谂过鸡翼同鲍鱼可以夹埋一齐, 鸡翼唔知系咪刻意腌咸少少, 配合番清清地嘅鲍鱼, 估唔到又唔错wo!
两只为食积, 两款烧物同一个海胆杯又点够食, 我哋仲叫咗个饱肚D嘅卷物.
Order咗个火焰卷, 我本身以为只系寿司上面嘅芝士有D火灸, 因此有个咁嘅名, 但原来并唔系咁简单架! 上枱时侍应帮你会点火架, 我哋即刻拎相机出嚟捕捉, 个侍应仲好nice, 问我哋影唔影到, 影唔到可以再点火多一次! 讲番个火焰卷, 虽然寿司馅料系蟹柳同玉子蛋, 唔算好特别, 但又系每一件寿司上面都有份量不少嘅海胆, 再加埋火灸芝士同蟹子, 真系好丰富. 其实我开始怀疑餐厅系咪有办法入到平靓正嘅海胆, 如果唔系点解每一道菜D海胆都多到唔驶钱咁, 出手好阔绰?!!
最后唔食甜品又点得, 既然成晚都系海胆, 唔差在食埋海胆雪糕. 我都系人生第一次食海胆雪糕, 估唔到又系一堆海胆系雪糕上面! 初头我以为系云尼拿雪糕, 点知食落咸咸地嘅?! 细看之下原来海誊都系mix 咗入雪糕入面, 完全融为一体!!! 虽然我估唔到个甜品雪糕系咸咸地, 但感觉都几特别 !!
食完呢餐饭, 对我呢个海胆控 嚟讲真系大满足, 同时间又怀疑自己今晚系咪胆固醇超标!!!
张贴
