影片
更多
2009-09-09
84 浏览
去左一间无食物质素，无服务质素既餐厅呢日系我同女朋友庆祝周年，去完尖沙咀后上黎山顶，本来谂住返尖沙咀，但太频扑，于是就留系山顶食，入到去，由睇menu到贴菜，一路都相安无事，但慢慢就出事：服务方面：可能我地坐既系路口，经常有staff行黎行去，一个著直间恤衫，好似高级少少，半地中海发形既职员，用好大声既口吻同身边既staff讲野，内容我好清楚记得地中海店员话:喂阿XXX(指住靠窗既一张台)倒一杯暖水比呢台其中一个"鬼佬"，另一台又系成班鬼果台要.....，啦啦声去！一间咁专业既餐厅，居然人前人后大大声声用个"鬼"字黎形容外国人，同我地形容内地人做大陆喱有咩分别？叫佢埋单，佢一句得埋黎话:得，等一阵。 (做服务性行业，可唔可以多少少运用"请问"、"唔该"、"麻烦你"一类既说话呢？签卡既时候，同佢讲：请问可唔可以帮我地影张相？(因为本身都食得唔开心，预左会上黎写食评，所以客客气气比多次机会佢。)佢又一句得埋黎，声量重大到连隔离台都望埋过黎：地中海店员话：得，转头帮你(佢既语气话比我知，我而家都未搞掂手头上既野，你重叫我做野！你无野呀？)佢比返张卡我之后，去左隔离台，送下菜，收下碟，先施施然
呢日系我同女朋友庆祝周年，去完尖沙咀后上黎山顶，本来谂住返尖沙咀，但太频扑，于是就留系山顶食，入到去，由睇menu到贴菜，一路都相安无事，但慢慢就出事：
服务方面：
可能我地坐既系路口，经常有staff行黎行去，一个著直间恤衫，好似高级少少，半地中海发形既职员，用好大声既口吻同身边既staff讲野，内容我好清楚记得
地中海店员话:喂阿XXX(指住靠窗既一张台)倒一杯暖水比呢台其中一个"鬼佬"，另一台又系成班鬼果台要.....，啦啦声去！
一间咁专业既餐厅，居然人前人后大大声声用个"鬼"字黎形容外国人，同我地形容内地人做大陆喱有咩分别？
叫佢埋单，佢一句得埋黎话:得，等一阵。 (做服务性行业，可唔可以多少少运用"请问"、"唔该"、"麻烦你"一类既说话呢？
签卡既时候，同佢讲：请问可唔可以帮我地影张相？(因为本身都食得唔开心，预左会上黎写食评，所以客客气气比多次机会佢。)佢又一句得埋黎，声量重大到连隔离台都望埋过黎：
地中海店员话：得，转头帮你(佢既语气话比我知，我而家都未搞掂手头上既野，你重叫我做野！你无野呀？)
佢比返张卡我之后，去左隔离台，送下菜，收下碟，先施施然帮我影，影完即刻比返部相机我就即刻跑左去，惊我觉得影得唔好再叫佢影过咁。张相影左出黎，个人得粒豆咁细，连同out focus左，我部单境机，开埋闪灯，佢头手遮住个闪灯，张相有个黑影，真系thanks 呢位咁有heart既staff。
食物：
叫左个seafood platter，系全个menu最贵既菜，但亦都令人相当失望。
先讲下只"花蟹"，menu写Alaskan crab，上台既竟然系既"花蟹"，严格黎讲系一只好细既"水蟹"，我够胆讲，呢只蟹系街市最多只值$10蚊。
另外上面有大概10只蚝，每只大概系两个五蚊银咁大既蚝。粒肉细到食唔到有味。
重有大概5、6粒"车厘蚬"完全无肉，唔知食紧咩！
5、6只龙虾仔，咸到食唔到。
虾同扇贝无咩特别。
开头以为个platter好大，临时cut左个沙律，但食完后发觉跟本成盘都系壳黎。
落单既时候重加左个意粉，我认为意粉屋会好过佢。
总结，埋呢858蚊，如果我地临涯立马，返尖咀食，我相信去一间普普通通既buffet，例如话九龙酒店既倚窗阁，美丽华对面既yamn，再唔系Todai，再唔系过对面既Pearl，我相信我地会庆祝得开心d，庆祝两个人既特别日子，我唔介意拎一二千蚊黎食一餐，只系睇你有无本事赚我，但呢间餐厅我比500，已经觉得太多，亦因为当日系我同女朋友既anniversary，我唔想破坏个气氛，更加唔想影响到隔离既食客，所以面对呢种服务质素，我只有欣然接受，我公司都有外聘服务评审机构，去评核自己公司既员工服务质素，我唔知呢间餐厅有无，但如果有，佢会系有史以黎最低份，亦因为呢间餐厅有呢种员工，令峰景餐厅，一间本地如此有名既餐厅，被给予如此劣评，本人强列建议 贵公司应再次给予员工再陪训，好好学习下点样控制eq，好让一心黎庆祝节日既朋友，唔会被呢种害群之马破坏整间餐厅既声誉。
张贴
