龍鳳店

营业中

休息中

一直都听过元朗有一间专食蛋治嘅专门店，每一次经过呢度都心大心细想试，不过通常都会因为价钱方面而放弃，系今次又再禁止晚市堂食嘅情况，终于决定试下！呢度果然真系蛋治嘅专门店，各式各样味道嘅蛋治都有，连皮蛋肉松都畀佢纳入做蛋治嘅食材，好得意😆 不过因为今次系第一次试所以好保守咁样嗌咗鲜油芝士肉松炒蛋治😋呢份蛋治用一大个饭盒装住，身为一个鸡蛋关注组成员，一打开个盒蛋治嘅卖相真系好惊喜，金黄色晶莹通透嘅炒蛋上面洒满芝士碎，完全颠覆我最初听到蛋治嘅想像😆果然系专门店，炒蛋真系炒得非常香滑，栽培上面头嘅芝士同埋肉松真系非常夹，满满嘅炒蛋入面埋藏著方包，方包只系配角，炒蛋同配料先系主角😂 最初觉得呢个价钱食蛋治有啲贵，但系试过就发现真系呢个质素真系值得嘅😁