榮少喇沙 (已結業)

荣少喇沙系屯门开左分店啦～今日特登入嚟屯门度食佢，地点在屯门时代广场，但经商场入面系揾唔到佢嘅，个门口喺出面外围，望住公园个边，其实都唔难见嘅。叫左鱼蛋鱼片喇沙掺掺，落单一阵就有得食啦，好香㖞。都好大碗㗎，如果真系唔够，仲可以加8蚊加底，哈哈。汤底是咖喱喇沙的口味，超香浓，重重的椰子味同各式香料味，唔觉唔觉饮晒碗汤。有鱼蛋鱼片数件，仲有豆卜添，豆卜好紧要，吸左汤汁超好味。面条拣左油面+米粉，钟意两沟嘅口感，贪心嘛～饮品加左杯奇亚籽柠檬薏米水，好似系荣少嘅名物黎？微甜带柠檬味系好饮㖞，夏天消暑一流，但啲渣好难吸出黎，有冲动搣开个盖食左佢，哈哈。仲加左一份小食咖央油炸鬼，油炸鬼好香脆，唔油腻㖞，加左甜甜地嘅咖央酱又几夹，好味好味。餐厅用QR code落单，介面易用又方便，仲唔怕落错添。