翠林辣蟹舫

我好中意食蟹, 自己系屋企煮又欠缺获气, 出街食怕被呃秤又怕海鲜价超出预算~ 今日刚巧有位内地同事到港, 从旅游书得知尖沙咀有间炒蟹专门店---翠林辣蟹舫, 又正又抵食, 连我呢个本地人都未试过, 于是今晚就相约一试!系楼下张贴左唔少名人帮衬,翠林辣蟹舫没有豪华装修, 但地方整洁, 设卡位, 更有VIP房。黎到当然必点【香辣酱油蟹】HK$588辣蟹被斩件, 再拼回完整卖相上碟; 辣酱油味慢慢散发, 闻到都流哂口水...蟹膏唔算多, 但味道甘香, 蟹身部位似乎被拖过油, 似有薄薄炸皮包住, 炸皮完全索左辣酱油, 令蟹身平均沾到酱油, 味道平均, 更保留到蟹肉原汁鲜甜味, 辣酱油没有覆盖蟹既鲜味, 反而愈食愈惹味。【黄金流沙虾球】HK$56虾球炸后表面不带油腻, 入口很脆, 内里既虾鲜甜juicy又爽口, 配上沙律酱 (酱中混入了果粒同埋青瓜粒), 甜甜地带点清新, 又不失口感, 配搭很match!【香辣福菜花】HK$88椰菜花炒得有获气, 口感keep到爽脆, 带少少辣【黑松露斑球】HK$128松露味非常突出, 斑球质地嫩滑, 食落冇雪味, 打左个茨汁, 好似平时系酒楼既食到既质素差不多