憶食尚臘味煲仔飯

营业中

休息中

天气冻冻地心思思想要食腊味煲仔饭，专登同老公去佐敦呢间煲仔饭店食好嘢。听讲呢间煲仔饭用料上乘，用极上腊味，腊鸭仲系极品南安板鸭，米都好讲究，用上黑土种植五常大米。广式腊味煲仔饭 $177煲仔饭一上枱香喷喷，店问我哋喜好想先食饭后食饭焦定系一齐食，帮手落豉油同埋葱花捞匀。我就钟意一齐食，口感丰富啲，每一啖都有饭粒同埋脆脆饭焦，加上腊味油香，每一啖饭都好甘香，而且足满饭香焦香。腊味好丰富，有腊肠、腊鸭同埋腊肉。原来呢度嘅腊味用上茅台酒腌制，唔怪得知咁好食。黑松露鸡煲 $167呢个鸡煲好惹味，鸡件充满镬气，肉质嫩嫩，入晒味，充满青红黄椒同埋洋葱爆香嘅香气，最紧要系有浓浓嘅黑松露酱香，味道丰富。瑶柱虾米杂菜煲 $117食完啲浓味嘢食呢煲菜清清地好舒服。呢煲菜清得来都有味，上汤加上瑶柱蒜片衬托菜嘅清甜，好食。