博多拉麵別天神 (已結業)

之前有个朋友成日同我讲，博多拉面别天神嘅拉面好好食。今次嚟到湾仔扫街，朋友又咁啱想食拉面，一于衬呢个机会黎试吓。拉面小店，座位唔多，但都几阔落，唔会太迫。一坐低，望下menu拉面有两款，分别系豚骨汤面同埋虾味增拉面。朋友都喜欢豚骨汤底，所以叫咗两个豚骨拉面套餐。套餐包括一碗拉面，一只溏心蛋同埋小食一款。小食二选一，可以拣小龙虾蟹子沙律或者饺子四只因为我哋两个人，所以每样要一款，咁就两样都有得试啦。小龙虾蟹子沙律细细碟，旁边仲有四，五块紫菜俾你包住沙律嚟食。沙律入边真系有小龙虾肉架，份量都几多添！正呀！可以encore咁套餐嘅饺子有四只，如果单点呢就35蚊有六只。饺子味道正正常常， 我较喜欢小龙虾蟹子沙律。讲返碗拉面， 豚骨汤底香浓，拉面软硬度适中。重点系只溏心蛋，真系好好味！望到溏心系情半流心状态架！留意番，叫套餐嘅拉面先会包括埋溏心蛋架， 如果单点一碗拉面嘅话就要加＄10，先会有溏心蛋一只。呢度嘅拉面果然不错，名不虚传㖞！下次可以再嚟，试埋虾味增汤底味拉面。