影片
更多
2014-08-06
10383 浏览
秋田铁板烧系好耐之前已经听人赞过好多次，但一直冇咩机会去试…次次同寿星庆祝生日，都系去食西餐锯下扒多…但香港稍为出名既西餐厅Amigo、Caprice都试过…唔系庆祝生日就系纪念日…所以今次到我请人食饭，我话事!就决定去秋田铁板烧食顺便试下究竟系咪咁好食…一早订左枱，准时7点到，楼下直到坐低服务态度都唔错…2人餐有三款拣，价钱都有唔同，由于我地唔中意食鲍鱼所以拣左个冇鲍鱼但有我地中意食既银鳕鱼每人$638既2人餐另外侍应姐姐话可以加$228 upgrade将薄切牛肉转澳洲和牛，寿星好中意食牛，咁就梗系转左和牛啦！我地坐个张枱系有6个人围住铁板坐，同埋现场大多数都系情侣…第一道菜系黑松露蒸蛋。蛋好滑，蛋入面仲有少少鹅肝添…正！然后就到我第二至爱龙虾，真系好好好好好味！！！(第一至爱系鹅肝)净低既龙虾壳就用火烧一烧，比客人录下片影下相咁之后就用黎整汤，不过个汤就麻麻地…讲真，个汤就算加左龙虾壳但味道同面豉汤冇咩分别。下一道菜，另外4人就系鲍鱼，我地就系唔太岩鲍鱼…所以人地食鲍鱼我地就食银鳕鱼。银鳕鱼系加左牛油既汁一齐烧，不过我比较中意食西京汁烧银鳕鱼多D…好在系够大块，鱼既肉质够嫩…比起其
但一直冇咩机会去试…
次次同寿星庆祝生日，都系去食西餐锯下扒多…
但香港稍为出名既西餐厅Amigo、Caprice都试过…
唔系庆祝生日就系纪念日…
所以今次到我请人食饭，我话事!
就决定去秋田铁板烧食顺便试下究竟系咪咁好食…
一早订左枱，准时7点到，楼下直到坐低服务态度都唔错…
2人餐有三款拣，价钱都有唔同，
由于我地唔中意食鲍鱼所以拣左个冇鲍鱼但有我地中意食既银鳕鱼每人$638既2人餐
另外侍应姐姐话可以加$228 upgrade将薄切牛肉转澳洲和牛，
寿星好中意食牛，咁就梗系转左和牛啦！
我地坐个张枱系有6个人围住铁板坐，同埋现场大多数都系情侣…
第一道菜系黑松露蒸蛋。
蛋好滑，蛋入面仲有少少鹅肝添…正！
然后就到我第二至爱龙虾，真系好好好好好味！！！(第一至爱系鹅肝)
净低既龙虾壳就用火烧一烧，比客人录下片影下相咁之后就用黎整汤，
不过个汤就麻麻地…讲真，个汤就算加左龙虾壳但味道同面豉汤冇咩分别。
下一道菜，另外4人就系鲍鱼，我地就系唔太岩鲍鱼…
所以人地食鲍鱼我地就食银鳕鱼。
银鳕鱼系加左牛油既汁一齐烧，不过我比较中意食西京汁烧银鳕鱼多D…
好在系够大块，鱼既肉质够嫩…比起其他人食鲍鱼，感觉更满足。
之后就到我第一至爱鹅肝多士出场喇！
由佢用牛油烧多士开始到佢拎几块鹅肝出黎…
佢烧既过程，我对眼都望到实一实，
我已经唔理卡路里系咩一回事！哈哈
块鹅肝真系厚过同大块过块多士！
鹅肝烧得外脆内软…十个赞！！！
好好好好满足不过食左一半就好滞… 要寿星帮手食啖先食得晒！
食完件鹅肝多士，我已经好饱…不过仲有好多野未食…
之后就到和牛啦，见到三块牛扒都系一样，
原来我地同枱3对客人都一样upgrade左澳洲和牛
其实唔upgrade都得既，不过系薄切牛肉，感觉好似好唔满足咁
反正都黎得食饭，都想食得好少少…我谂大家既心态应该都一样
结论系，虽然我已经好饱…不过系真系好味既！
medium既肉质真系岩岩好！
跟住就到最期待既炒饭！！
因为佢并唔系普通既炒饭，
而系可以砌图案加写字然后再炒埋一碟既炒饭
佢问我地3对客人有冇想整咩图案，我见冇人出声就话要松弛熊！
其实都唔系我中意，而系寿星中意但怕羞唔敢讲！哈哈
右边个对客人就话想要小丸子，而左边个对客人就话唔洗整
不过佢都系同寿星一样黎庆祝生日，果然…系庆祝既好地方！
师傅赞！小丸子同松驰熊都整得好似！
下次我要再黎整我最心爱既三眼仔先得..哈哈
整好之后就大家开开心心影下相，入去影又得，出面影都得！
跟住就有炒饭同炒杂菜食啦！
炒饭佢系用埋头先既和牛但好肥既部分一齐炒，好惹味！
我食唔晒个炒饭…不过个炒饭我觉得好味！
但个炒杂菜系份量少左D…同埋如果落多D牛油黎炒就好。
甜品系红豆饼，即系两块迷你热香饼夹住红豆酱…
我唔中意食红豆，所以…评价唔到好唔好味，
私心觉得如果馅料用豆沙会好味D！
雪糕有绿茶同芝麻味拣，我地都拣左绿茶味，
同平时系日本餐厅食既绿茶雪糕味道一样
不过听到隔离个对客人话芝麻好味㖞…
早知道一人拣一款味啦！蠢左！
多谢餐厅最后仲送左个小cake有Happy Birthday既牌插住，
小小心意不过唔系间间餐厅都有！赞一个！
成餐饭食左两个钟，有得睇表演又食得好满足，寿星都食得好开心！
果然系一间一试难忘既餐厅！下次庆祝生日或者咩纪念日都可以再去！
唯一有少少美中不足既系，
原来负责我地3对客人既个位师传好cool…
因为见到隔离个位师传同d客人有讲有笑又表演下，
相对之下先发现我地个位师传好cool…
不过…下次会再encore既！D野食好味就得啦！^^
张贴
