影片
更多
2021-11-26
896 浏览
11月26 lunch 庆祝太太生日，但价钱同食物不成正比。整体评分： 2.5/5服务：整体3/5最近工作太忙未有充足时间book枱庆祝太太生日，原本打算book lunch buffet，但出名既都full晒。唯有做research睇下有咩餐厅适合同太太庆祝生日，最后见呢间餐厅正评多多人，所以book枱一试，预早一日book枱都仲book到。book枱时职员只系话1200有位，无讲其他事宜要客人注意。于是我再问问职员有冇啲特别报置可以庆祝太太生日，职员话可以系甜品碟到写字。到左今日食饭日子啦，因为工作原故迟左去到餐厅，1210既时候一位女职员打黎问位置，我话系中环搭紧地铁过紧黎，职员话最多留多10分钟枱，如果10分钟内赶唔到黎会将张枱俾其他客人。知道自己迟到唔岩，所以1218铜锣湾落车后再打俾职员讲声赶紧过黎，担心张枱真系俾左其他客人。女职员答到好似好难做咁，话真系最多留到5分钟。最后终于顺利赶到上去，但系一去到内心真系讲左粗口。间舖好细姐，约莫有10张枱，去到个阵计埋我坐个张枱，都仲有3张枱剩，仲要系无人等紧枱入座。心谂头先电话好似讲到爆场好多人等紧我张枱咁，真心唔明个女职员玩咩😅
服务：整体3/5
最近工作太忙未有充足时间book枱庆祝太太生日，原本打算book lunch buffet，但出名既都full晒。唯有做research睇下有咩餐厅适合同太太庆祝生日，最后见呢间餐厅正评多多人，所以book枱一试，预早一日book枱都仲book到。book枱时职员只系话1200有位，无讲其他事宜要客人注意。于是我再问问职员有冇啲特别报置可以庆祝太太生日，职员话可以系甜品碟到写字。
到左今日食饭日子啦，因为工作原故迟左去到餐厅，1210既时候一位女职员打黎问位置，我话系中环搭紧地铁过紧黎，职员话最多留多10分钟枱，如果10分钟内赶唔到黎会将张枱俾其他客人。知道自己迟到唔岩，所以1218铜锣湾落车后再打俾职员讲声赶紧过黎，担心张枱真系俾左其他客人。女职员答到好似好难做咁，话真系最多留到5分钟。最后终于顺利赶到上去，但系一去到内心真系讲左粗口。间舖好细姐，约莫有10张枱，去到个阵计埋我坐个张枱，都仲有3张枱剩，仲要系无人等紧枱入座。心谂头先电话好似讲到爆场好多人等紧我张枱咁，真心唔明个女职员玩咩😅（呢个位真心系令服务大减折扣既原因）撇除呢个因素，职员有礼貌，收碟好快，职员对客人既比例都好充足。原本系值得俾4/5分。
食物：整体2.5/5
睇完menu，最后叫左一个蘑菇汤，一个蟹肉牛油果沙律，一个意大利波菜饭，一个红虾手制意大利面，一杯cappuccino，一杯热柠水。
叫完野食，职员随即上左份面包，面包系送既。只系配左酸忌廉，橄榄油同埋黑醋，个人觉得outback既会好食啲。面包无特别：2.5/5。
蘑菇汤：
呢个汤值得一赞。好多时饮蘑菇汤会觉得好油好腻，但呢个蘑菇汤就唔会，汤身较稠，有好浓既蘑菇味，值得推介。评分：（4.5/5）
蟹肉牛津果沙律：
卖相好靓，成个圆柱体咁，但味道都系普普通通。蟹肉mix左沙律酱同wasabi ，牛油果就垫底。太太唔食wasabi，我就觉得wasabi唔太match沙律，叫得沙律食原本系想食啲清新既野，但个蟹肉沙律mix左wasabi ，下下都食到想打乞嗤咁，食到好辛苦。顺带一提，menu无写过呢个菜有wasabi，order时职员又无remind客人。评分：（2.5/5）
红虾手制意大利面：
2只红虾，剥晒壳既，食落好方便。成个意大利面好香虾味，闻都闻得出。食落都好香虾味。但唔系好识欣赏佢个手制意大利面，无论外型定口感都系日本拉面无误😶🌫️成个面除左好香虾味外真系无特别。另一重点系个面同虾都好咸，已经系同我太太share 一齐食，但系一路食一路觉得个口同条脷就黎损。评分：2/5，太咸，价钱不成正比
意大利菠菜饭：
意大饭无乜特别，不过又系好咸，饭既口感真系意式有少少咬口。（评分：2.5/5）
成餐最好味既系个蘑菇汤，值得推介。沙律mix左wasabi，不是我同太太口味。两个主菜都好咸，唔明点解个红虾意大利面可以系chef recommendation。成餐计埋加一，盛惠$912。咁既价钱去食餐lunch应该仲有好多选择，完全系名过于实，可一不可再既意大利菜👋🏻
张贴
