影片
更多
2019-08-26
670 浏览
去完中环买少少嘢﹐都系时候食晚餐。一心谂住去某间车仔面食个快饭就返屋企﹐途中见到此店﹐大热天时加上一乐都算出名﹐最后改变心意...首先讲讲环境﹐舖内残残旧旧﹐枱面油淋淋...唔紧要﹐可能食物质素一流﹗两个人﹐各点一个双拼饭﹐一碟叉烧烧鹅饭﹐另一碟烧肉烧鹅饭。两碟饭一到﹐我反应系呆咗一呆。原因﹖碟上放上薄薄一层嘅白饭﹐份量应该够一个小朋友或者极度细食嘅女士。到一乐最出名嘅烧鹅﹐双拼饭中大概各碟有五旧﹐五旧当中竟然得一旧系痴住较为大旧少少嘅肉﹐其他只系得烧鹅皮痴骨。叉烧同烧肉就更加可以不提...老实讲﹐"大家活"同"大快乐"嘅下午茶饱肚感及食物质素都一定比一乐好﹗畀$62有咁差嘅服务同质素﹐想贴钱买难受的话﹐一定要去﹗﹗﹗
首先讲讲环境﹐舖内残残旧旧﹐枱面油淋淋...唔紧要﹐可能食物质素一流﹗
两个人﹐各点一个双拼饭﹐一碟叉烧烧鹅饭﹐另一碟烧肉烧鹅饭。
两碟饭一到﹐我反应系呆咗一呆。原因﹖碟上放上薄薄一层嘅白饭﹐份量应该够一个小朋友或者极度细食嘅女士。
到一乐最出名嘅烧鹅﹐双拼饭中大概各碟有五旧﹐五旧当中竟然得一旧系痴住较为大旧少少嘅肉﹐其他只系得烧鹅皮痴骨。叉烧同烧肉就更加可以不提...
老实讲﹐"大家活"同"大快乐"嘅下午茶饱肚感及食物质素都一定比一乐好﹗
畀$62有咁差嘅服务同质素﹐想贴钱买难受的话﹐一定要去﹗﹗﹗
题外话/补充资料：
除非你叫一整只或者半只烧鹅﹐碟头饭想食到肉﹐实在系妄想呀﹗
(以上食记乃用户个人意见 , 并不代表OpenRice之观点。)
张贴