桃園眷村 (已結業)

熊妹病病地，决定今日逃学，同熊大周围hea下，无精神返学但有精神周围走，哈哈。熊妹病病地食唔得太油腻，知道朗豪坊新开左间食台湾粢饭同豆浆，应该清清地食得过。位置系朗豪坊美食广场4楼个层，以前mos burger个位。 自己排队点餐形式，点餐后有个电子call机，食物准备好会著灯呼唤食客去攞餐，即其实系类似快餐店咁。熊大不嬲都喜欢粢饭，叫左个肉松青瓜饭团，同冻豆浆。熊大话味道系可以的，有啲似将台湾鲁肉饭变成饭团咁食，入面确实有少少卤蛋，几特别的。冻豆浆无跟餐架，单买$22，味道就系一般豆浆味道，贵左啲喇。烧饼系呢度的招牌菜，熊妹就拣左猪柳蛋烧饼同咸豆花。 哗，个烧饼系真心难食，熊妹好少会讲野难食，但个烧饼真系太恶劣。首先，烧饼本身好干，一啲酱汁都无，连埋猪柳同蛋都系无汁，干上加干，猪柳又细块，蛋又无香味，成件事干吞真系好难为喉咙。唔知道出名在何方?咸豆花似饮咸豆花汤咁，有啲辣辣的炸菜，油炸鬼，紫菜丝，味道都可以的，但索价$32，材料全部都内一啲成本平价的配料，真系赚到笑。好在系朗豪坊地方开扬，环境都坐得舒服，但食物资素黎讲熊大同熊妹一定唔会再黎噜。