添好運點心專門店

营业中

休息中

之前同另一個朋友嚟到呢個商場，見到呢間都頗出名嘅點心店喺呢度新開張，所以特意一試，點知其實係都幾失望。門面、闊落程度同埋服務都幾好，但係個落單系統好差，好多時都唔work。如果你冇耐性點多咗幾下，有機會同一款點心會嗌咗三四次，要小心中伏。晚市有好多嘢都唔供應，例如腸粉，所以晚市就唔推薦大家嚟。點心嘅選擇其實唔算太多，我哋嗰日就嗌咗蝦餃、燒賣、鳳爪、蘿蔔糕、紅油抄手。上菜速度還好，味道都算幾好，不過款式選擇實在唔算太多，有啲失望。