So Bar (已結業)

餐厅嘅环境非常特别，嚟到先知道系同我至爱嘅苏妈苏妈同系，入口就系吧，但系内里仲有苏妈，苏吧门口仲有几张欧多牙嘅枱，可以拎杯酒出嚟呼吸吓，个拱形栏河好有南洋嘅风味。Oolong gin fizz，呢杯乌龙毡酒 cocktail 有三款口味可以选择，分别系青瓜、西柚同埋橄榄，我哋拣咗西柚味，乌龙茶方面用上咗冻顶乌龙，面头嘅气泡带有清新嘅西柚香气，伴随著强烈嘅乌龙茶味余韵， 毡酒味道浓烈，调酒师一啲都无轻手，酒味、西柚同乌龙嘅味道平衡，系一杯相当出色嘅 cocktail。Seafood platter，海鲜拼盘宜家做紧 promotion 虽然只系卖 299，但系阵容都相当鼎盛，有新鲜海蚬、带子、鲍鱼同埋原只龙虾，带子鲜甜，海蚬仲带有少量嘅海水味，佢跟机有柠檬同埋 wasabi，我觉得带子可以就咁食，龙虾就可以落少少柠檬汁，龙虾头嘅虾膏都唔少，美酒配海鲜，系令人非常满足嘅一餐。