2025-01-17
0 浏览
前排朋友试过「重房」大赞水准之高,不比系日本食到既逊色,于是促成左今晚既聚会💜.🪭 前菜 — 蕃茄配白酒啫喱 一啖入口,白酒啫喱既香甜配蕃茄充满水份,爽脆既口感,先开始清清味蕾.🪭 前菜 — 汁煮日本南瓜口感绵蜜,而且南瓜肉清甜,连皮食都可以轻易咬开纤维👍🏻.🪭鳕鱼白子白子以木鱼汁做高汤熬煮,口感微温,配以橙醋萝卜蓉,同少量柚子皮同葱粒作点缀。本身鳕鱼白子味道会比较浓烈,但食落一啲鱼腥味都无,有鱼肠既廿香丰厚味道,口应软滑细致🪭烟薰冰见寒𫚕富山县既冰见寒𫚕 12月至1月系最当造,师傅将鱼肉先以烟薰处理,入口充炭香味,再用即磨京都五色芝麻碎同即磨山葵调味,鱼肉质甜美,烟薰同芝麻慢慢系口腔散发出黎,一绝👍🏻🪭岩手县陆前高田生蚝生蚝配以自家造既蜜柑同三文鱼籽,面头配以闪令令既银箔点缀,同平时食到creamy口感既生蚝系两口事,食落爽身,而我比较偏好依款清爽既口感😌🪭寒䲠鱼鱼皮上左少许盐再炙烧,因为鱼系日本水域关系,入口零舍肥美鲜甜!同我认知既「马交鱼」绝对两回事😮配以自家造既洋葱酱日本芽葱,带甜味,成件寿司口感一试难忘.🪭甜虾蓉拿破仑配慢煮安康鱼肝面包多三文治式层叠,师傅提醒要上至下而食;上
.
🪭 前菜 — 蕃茄配白酒啫喱
一啖入口,白酒啫喱既香甜配蕃茄充满水份,爽脆既口感,先开始清清味蕾
.
🪭 前菜 — 汁煮日本南瓜
口感绵蜜,而且南瓜肉清甜,连皮食都可以轻易咬开纤维👍🏻
.
🪭鳕鱼白子
白子以木鱼汁做高汤熬煮,口感微温,配以橙醋萝卜蓉,同少量柚子皮同葱粒作点缀。本身
鳕鱼白子味道会比较浓烈,但食落一啲鱼腥味都无,有鱼肠既廿香丰厚味道,口应软滑细致
🪭烟薰冰见寒𫚕
富山县既冰见寒𫚕 12月至1月系最当造,师傅将鱼肉先以烟薰处理,入口充炭香味,再用即磨京都五色芝麻碎同即磨山葵调味,鱼肉质甜美,烟薰同芝麻慢慢系口腔散发出黎,一绝👍🏻
🪭岩手县陆前高田生蚝
生蚝配以自家造既蜜柑同三文鱼籽,面头配以闪令令既银箔点缀,同平时食到creamy口感既生蚝系两口事,食落爽身,而我比较偏好依款清爽既口感😌
🪭寒䲠鱼
鱼皮上左少许盐再炙烧,因为鱼系日本水域关系,入口零舍肥美鲜甜!同我认知既「马交鱼」绝对两回事😮配以自家造既洋葱酱
日本芽葱,带甜味,成件寿司口感一试难忘
.
🪭甜虾蓉拿破仑配慢煮安康鱼肝面包多
三文治式层叠,师傅提醒要上至下而食;上层甜虾蓉配炒香虾头膏加樱花虾同鳕鱼脆片;下层法国面包多士上面舖左安康鱼肝酱,混有咸脆萝卜粒调味;整体各有特色
🪭吞拿鱼脑天配吞拿鱼腩
即吞拿鱼头部既肉,以炒香咗嘅海盐中间夹咗紫苏叶,同一片吞拿鱼腩再配以紫菜同食,师傅即制随手奉上,一口咬落口油爆发,鱼味极之浓厚,紫菜仲系脆身,成个感觉好新鲜😆
🪭神户A4和牛刺身配蒜汁蛋黄
牛肉他他食得多,和牛刺身第一次品尝,滑嫩既口感配酸爽既蒜蛋黄汁,轻柔细腻既牛油花,有即溶既口感,味道鲜美;而日本芽葱同日本葱花有提味有减腻作用😙
.
🪭天妇罗矶煮鲍鱼
中间送左组矶煮既鲍鱼再以天妇罗方式炸上,店员上菜即席以蔬菜汁加柠檬汁「染」成淡红色,好似落霞感觉~鲍鱼炸过保持到鲜嫩弹牙,咬落完全唔韧,就算唔点汁,净食都好出色
🪭赤贝寿司
赤贝配以少许青柠汁、柚子皮、岩盐调味,新尝试~鲜味好出众
🪭四国蜜柑鲷鱼
有趣既典故:原来四国居民会以蜜柑皮作鲷鱼饲料,鱼肉变左无腥味而带淡淡既蜜柑味,味道好清、鲜甜,真系好特别😮鱼身经过熟成处理,鱼肉口感会松软啲
🪭沙甸鱼配北海道面豉酱
时令沙甸鱼带啲爽甜,而且鱼油丰富,顶上面少许面豉酱,咸香豆味十足,确有画龙点睛效果
🪭 吞拿鱼大腹
脂肪最多既部分,经过熟成处理鱼肉松软无渣,满布漂亮既油花,入口即溶~整个口腔满满既鱼油,好幸福满足既感觉☺️☺️
.
🪭北海道白海胆,配法国Kaviari鱼子酱
比起平时接触既日本海胆更加鲜甜浓郁,但比较清雅,配上贵气十足既法国鱼子酱,一咬爆开丰富咸鲜味道,变到好唔平凡~
🪭鱼汤
以大量嘅鱼骨鱼头去熬六个钟,奶白色汤头😊娃娃菜同日本本菇吸满汤汁,成个汤鲜鱼甜味难以用墨笔形容,为今晚完美作结
.
🪭甜品—日本士多啤梨
张贴