焱丸水產

营业中

休息中

鲍鱼壳烧($68)，蟹味噌甲罗烧($68)，大虾鬼壳矶烧($65)，服务周到，烧物都由店员帮忙烧的，食物烧至刚刚好，肉质唔会太老好韧，甲罗烧有浓浓既蟹膏味在口腔散发，配上青瓜丝可以中和一下味蕾。左口鱼刺身($168)，赤海老($68)，刺身入口爽而且好鲜甜，左口鱼呈半透明状，配上店家酸酸尾尾既酱汁，好醒胃，赤海老共5本，用力一吸整只海老已吸入口，好滑溜。焱丸号($158)，系店家招牌菜，主打满泻既海产寿司，目测有5款海产食物，超多海胆，连同蟹肉一齐食，真系好满足。三文鱼牛油果酢渍($80)，牛油果似三文鱼既味道，再配埋真正既三文鱼，简直有double既口感，放上黑椒粒食落微辣更开胃。温泉蛋天妇罗($70)，这个菜式几创新，将温泉蛋做天妇罗，外层酥脆，切开里面仍然系流心。辣味豆腐($45)，经炸过既豆腐，外层脆，内里仍然保持滑溜，洒上了店家秘制辣粉，辣度都几强几惹味，但建议食得辣先好挑战。北海道海鲜炒饭($88)，饭炒得够干身，表面唔会好油腻感，而且将蟹籽捞埋饭一齐食，一粒粒口感丰富。菠萝梳打($68)，白桃梳打($48)，个人较喜欢菠萝梳打，因为有菠萝果肉可以食而且好清甜。