影片
更多
2023-08-03
1349 浏览
丽晶未正式重开餐厅就试业, 差不多所有饮食youtubers都轮流朝圣, 但吹棒愈大失望愈大, 整体而言食物我只会俾80分.酒店外观: 丽晶系童年时代既五星酒店, 印象就系高贵奢华. 但重新装修既丽晶, 外观好boring, 令我想起政府合署. 入到酒店亦无奢华感觉, 都系平平实实既装修, 令我好惊讶. 港畔餐厅就系一间普普通通既西餐厅, 唯一卖点应该系海景.食物种类少: 食物分三大区, 沙律鱼生海鲜, 热荤同甜品, 食物泊在一边, 由鱼生区开始行, 无两步就到热荤区, 然后.....咁快到甜品?? 吓无架拿??? 必吃之选: 临食饭前上影片分享网站再睇多次必吃之选, 人人都赞到天上有地下无既 toro剌身, 任笔既三文鱼子, 多膏到爆既面包蟹, 即煮开边龙虾, 鲍鱼花胶, 蒸海斑. 我原本下定决心以上食物要食至少两转, 但最后我都只食咗一转, 面包蟹仲系痴人地攞咗少少膏就算(我麻麻地面包蟹), 只食一转系因为本人其实胃口唔大, 真心觉得食物质素唔差, 但好到要狂食果只就真系唔系, 除非心态只系一味要回本, 一定要狂食十转八转toro先叫抵, 就无嘢好讲. 食咗一转都饱就唔想饱到呕咁折
酒店外观: 丽晶系童年时代既五星酒店, 印象就系高贵奢华. 但重新装修既丽晶, 外观好boring, 令我想起政府合署. 入到酒店亦无奢华感觉, 都系平平实实既装修, 令我好惊讶. 港畔餐厅就系一间普普通通既西餐厅, 唯一卖点应该系海景.
食物种类少: 食物分三大区, 沙律鱼生海鲜, 热荤同甜品, 食物泊在一边, 由鱼生区开始行, 无两步就到热荤区, 然后.....咁快到甜品?? 吓无架拿???
必吃之选: 临食饭前上影片分享网站再睇多次必吃之选, 人人都赞到天上有地下无既 toro剌身, 任笔既三文鱼子, 多膏到爆既面包蟹, 即煮开边龙虾, 鲍鱼花胶, 蒸海斑. 我原本下定决心以上食物要食至少两转, 但最后我都只食咗一转, 面包蟹仲系痴人地攞咗少少膏就算(我麻麻地面包蟹), 只食一转系因为本人其实胃口唔大, 真心觉得食物质素唔差, 但好到要狂食果只就真系唔系, 除非心态只系一味要回本, 一定要狂食十转八转toro先叫抵, 就无嘢好讲. 食咗一转都饱就唔想饱到呕咁折堕(讲开又讲, 中段去厕所排队真系听到入面有人系度呕.....)
服务: 都系酒店服务水平, 有礼, 密密换碟, 人手算OK, 但无出现youtuber讲果种出完去一转连刀义都换过哂干净果种.
整体黎讲, 呢度自助餐真系俾人吹得太大, 我网上订位, 都唔系一号入去同人抢果种, 系过咗一号入去睇下仲有无位,平常心有就有无就算, 竟然仲有㖞....嗯, 系咪有少少古怪呢?? 而当晚其他食客亦唔系特别狂攞狂食果种, 剌身区成日都无人排队, 未到8点已经好多人攞甜品(我食果晚唔使分时段). 咁既价钱($888+ free flow champagne $438), 我觉得半岛食物真系精致好多, 而且半岛环境...唔使讲啦. 所以下次都应该唔会拣呢度了.
题外话/补充资料：
AE卡有85折
(以上食记乃用户个人意见 , 并不代表OpenRice之观点。)
张贴
