大邊爐火鍋店

营业中

休息中

7月份仲系我嘅生日月，又有朋友约食生日饭。虽然外面三十几度，但一样有人提议打边炉。不过既然系室内凉住冷气打，咁又真系无乜所谓嘅。如果郊外BBQ就真系咪搞我啦。朋友拣左喺九龙城呢间大边炉火锅店，门面非常简洁，而且系楼上铺，需行上一层楼梯。一班人最好就系叫套餐，唔驶慢慢谂。当然唔够嘅话仲可以加其他野啦，呢度火锅配料选择都几多，而且价钱唔算贵啊。汤底我地拣左香茜皮蛋，原因好简单，就系贪佢有莞茜够下火嘛。人就系咁矛盾，又要打边炉又要怕热气㖞。哈哈先黎海鲜刺身拼盘，有象拔蚌、带子、𫠒红鱼等等，其中象拔蚌当刺身食又得、放入火锅渌一渌又得，味道都相当鲜甜。而家四围都叫安格斯牛肉，连老麦都有得食啦，所以想食上等牛肉，一定要试下呢个Prime Grade质素嘅安格斯了。要达到呢个级数，除左牛只本身血统外，油花纹理同脂肪比例都要达到一定标准。所以供应量一定唔会多。而且渌嘅时间要留意一下，千祈唔好渌太耐，咁就食到佢嘅鲜嫩，又唔会「鞋」口啦。黑松露翠玉饺、沙葛爽爽饺、水饺、鱼皮饺加埋就系大边炉4色饺啦。4款都各有特式，馅料又够新鲜。另外点了自制墨鱼滑同自制虾滑，两款都食到墨鱼同虾本身的鲜甜味，而且都弹牙爽口。