好滾得 (已結業)

个女系条街收到宣传单张，撞啱老公生日咪约埋一家人去试吓。坐底时候，叫伙记开茶及比几只杯，话水喉坏左㖞冇茶水供应，如要饮料只可以叫点菜纸饮品，仲声明冇收茶钱。心谂未食嘢攞啖茶饮都话冇，已经吾多对路。点知，低处未算低，汤底当然试糕蟹花甲㶽啦，嚟到系几靓嘅，但食花甲就知中伏，死左几耐呢？毫无味道，话晒主打汤底，系得只爆膏蟹和花甲，特价都要三百元一锅（连加一），吾系咁离谱嘛!姑仔叫左几款牛肉，名就好好听，有牛颈脊，雪花肥牛，见实物之后O晒咀，张枱已经细啦！又整色整水，用块半湾窄身石板放约二十块麻雀咁大面积，记住系平面，真系少得可怜!最火重系边款牛都冇味，去吉野家食火锅重好过。其他材料如云吞，水饺都吾知边度交货，啲料好似比碎肉机搅到梅晒，毫无口感!系得黑松露饺子，菜，公仔面和乌冬似番啲样。但特色汤底冇乜鲜味重怪怪地，渌乜都冇用!另外，有一位女侍应，招呼真系有问题，我个女迟啲嚟啫，佢大大声问，"呢个人系咪吾嚟呀!" 又揾左佢去追饮品时，又系大大声讲"你叫左乌龙茶嘛，嚟紧啦!"总括以上，我起呢个标题系啱嘅!