kikusan

营业中

休息中

我觉得一间好既餐厅除左食物要好食之外，员工既服务态度都好重要。呢度虽然食物OK，但就被一位态度恶劣既员工扣晒分。我地一行六人，点完餐后问一位女侍应拎六杯水，佢就只放低左五杯。到落单都系同一位侍应。午市时段上菜好慢，同行有两位点既食物都系杂锦串烧饭，但只上左一碗。我地问番果位女侍应，佢查一查电脑后就只答会尽快上（边行边讲，什至无停低覆我地）。到我地其余五个人都差唔多食完，我地再问另一位侍应，佢就问我地个饭系咪后加。我地点菜系同时间点，就系果位女侍应漏左单再后加上去，一句唔好意思都无，只系照常落单又无特别跟进食物快少少。等上菜等左一段时间，佢后加又再等多一段时间，所以到碗饭黎到已经过左半个钟，同行朋友食得劲赶。我地六个人一人叫一碗，佢落餐时只落五样野，只可以话佢好唔用心，同埋全程黑面，语气同态度都好唔耐烦咁样。我相信系个别员工既问题，希望呢间餐厅会注意员工培训。薄烧豚肉饭，个饭入面无酱汁，而薄烧豚肉都比较干身。所以成个饭有啲dry。炸鸡亲子饭，个蛋炒得好滑，用左味醂调味，甜甜地，好食。