影片
更多
2023-11-29
193 浏览
我们买的套餐，是9pm入座，150分钟的大闸蟹套餐。先讲结论，食物质素好，但上菜打冲风，食得快嘅朋友可试，想慢食嘅人就要谂谂。一入座，店员即问我们要不要加$28饮品任饮，我哋加了。大闸蟹系蒸定的，一落蟹，阿姐已经开始帮我哋蒸定海鲜。我哋一行8人分两个锅，但食物并无分两边，都系一款车晒落一个锅度，然后由得你哋分。而佢蒸嘢速度太快，我哋一只蟹未食完，佢已经蒸熟咗蚬、龙虾同蚝，我忍唔住叫阿姐停一停，大家都唔想食唔切搞到D海鲜冻晒，阿姐就有D唔耐烦咁停咗一阵，但好快又继续车落去。好多海鲜明明好新鲜，质素好好，但到入口时已经冻晒。未到个半钟，就已经上晒所有菜。我以为我哋个餐系两个钟，但睇返张套票内容，真系写150分钟𠮶㖞。早早已叫我哋埋单。而未到11pm，阿姐已经清紧我哋张枱。因为佢系每款食物车落一个锅度，而三蔬（娃娃菜，粟米，南瓜）佢车咗落距离我比较远的锅度，佢一手拎起锅里剩下的三蔬，我同朋友都有叫佢分落碟度等我哋自己夹，佢拎走咗，我哋以为佢分落碟上，但之后D食物就冇返过来。仍然未到11pm，我仲食紧嘢，阿姐已经想清晒枱上嘅嘢，包括我用紧嘅餐具、酱料同饮品，我截住佢话仲食紧，佢就黑面。一到11
一入座，店员即问我们要不要加$28饮品任饮，我哋加了。大闸蟹系蒸定的，一落蟹，阿姐已经开始帮我哋蒸定海鲜。我哋一行8人分两个锅，但食物并无分两边，都系一款车晒落一个锅度，然后由得你哋分。而佢蒸嘢速度太快，我哋一只蟹未食完，佢已经蒸熟咗蚬、龙虾同蚝，我忍唔住叫阿姐停一停，大家都唔想食唔切搞到D海鲜冻晒，阿姐就有D唔耐烦咁停咗一阵，但好快又继续车落去。好多海鲜明明好新鲜，质素好好，但到入口时已经冻晒。
未到个半钟，就已经上晒所有菜。
我以为我哋个餐系两个钟，但睇返张套票内容，真系写150分钟𠮶㖞。
早早已叫我哋埋单。而未到11pm，阿姐已经清紧我哋张枱。因为佢系每款食物车落一个锅度，而三蔬（娃娃菜，粟米，南瓜）佢车咗落距离我比较远的锅度，佢一手拎起锅里剩下的三蔬，我同朋友都有叫佢分落碟度等我哋自己夹，佢拎走咗，我哋以为佢分落碟上，但之后D食物就冇返过来。
仍然未到11pm，我仲食紧嘢，阿姐已经想清晒枱上嘅嘢，包括我用紧嘅餐具、酱料同饮品，我截住佢话仲食紧，佢就黑面。
一到11pm，阿姐同另一个阿叔就赶我哋走，话要闩门，我好惊讶咁讲：「吓？我哋买个餐系150分钟𠮶㖞，照计可以坐到11:30pm」个阿叔黑面吟㖊咗一阵，但都冇即时再赶我哋走。
因为食得好赶，我哋有朋友饮嘢只拎咗一罐，谂住食完再饮多少少。到大约11:10pm左右，有人再拎一罐，个阿叔就超唔耐烦咁讲：「我哋收工架喇！我哋收11点架！你哋要走架喇！」
咁我同班朋友都系来食开心，唔系求气，就起身走啦。出到门口，我再check返佢哋营业时间，系到11:30pm的。
可能系因为话事人唔喺度，员工又赶收工，所以系咁赶人走啦…
但真心觉得好不符合商品说明条例，另外就系好有农场喂猪feel，塞饱你好走喇咁。
食物合格以上，服务九流。
张贴