煎餅廚房

营业中

休息中

之前见好多人系门外排队﹐下午3 点几见无乜人一于去试试。买左一个北京填鸭话要等20-25分钟﹐服务态度OK 但全程望住部收银机唔望人既﹐亦无之前评论说提出留电话no. 整好后就call 我。于是我25分钟后出现就出事了﹐原来一早整好左摆埋一边。(亦怪自己下次真系要早D 15分钟后出现等)说回正题﹐一定要衬热食。份量可以﹐但薄皮上面既鸡蛋唔太平均﹐而且略嫌酱汁少左D﹐写到一半觉得有D 干。味道一般啦﹐鸭肉唔un但唔嫩。实话实说以34蚊呢个价钱唔算抵食﹐间唔中食下无妨, 但如果每次买一份都要等20-25分钟以上就唔值喇﹐店外系大马路附近都系食肆无地方好行好难打发时间。当我心血来潮想写下食评look 下之前D评论﹐发现最新果几篇既tone 似卖广告多D o罗﹐这亦正正解释了开始少左人帮衬既事实。我都希望呢间店可以维持落去﹐俾我地有多个选择。但系如果搞唔掂缩短制作时间或者提高食品质素﹐相信好多人(如我)都系贪新鲜试过一次就算。