852居酒屋

营业中

休息中

同事介绍我去一间新开嘅居酒屋，佢话之前食过lunch 唔错叫我去试吓晚饭，咁我就胆粗粗同几个朋友去试试。去到现场气氛唔错，好似日本居酒屋既感觉，同埋可能咁岩坐后面两枱都有饮酒，所以大家情绪都好高涨好开心😂坐低我哋食物点了枝豆，味道正常发挥。原只海胆好鲜甜，入面仲有吞拿鱼蓉同三文鱼子，价钱大概$128 左右的确物有所值，不过听staff讲唔系日日有货返。渍物盛摆盘精致，不过我对渍物麻麻，我朋友话好钟意食好好食，而咁多款渍物中我净系会食牛蒡😆串烧方面我哋叫左明太子淮山，粟米，提灯，翠肉瓜，生菜猪肉卷，每一样味道都唔错。不过印象最深刻系提灯，因为我系第一次食。萤光鱿鱼都非常出色，完全唔腥！秋刀鱼刺身好新鲜，价钱方面都好合理。杂锦天妇罗份量好足够，炸粉唔厚，美味可口。我最欣赏系烧日式茄子，师傅烧得非常到位，味道咸甜适中，超级好味。