富臨漁港 (已結業)

上个几礼拜我同一班系外国返黎香港玩吓嘅朋友，平时我都去开上环地库果间，d嘢都几好食，今次因为就d朋友酒店住系湾仔，念住同一集团都系一样~~~点知就谷气死我，面都冇晒....我地一行4~5个去食饭，点菜时冇人理，问到有咩介绍就比个细本有图菜牌比我地(我地够知有呢d啦，有图睇5岁都识点啦)，完全冇介绍，我地都有叫个汤，到用餐时我地个汤放低左成几分钟都好似冇人睇到，而我地叫人帮我地加茶同换新碟时2次都冇人理重要叫完个灰色套装个女经理应左都冇去做，第三次叫个女经理时只系见到佢话个侍应点解唔换，完全冇理过我地...到食生果时又冇叉又冇干净碟点食........，而且d烧鹅又肥又唔靓我之前重一味同我d朋友话富临d烧鹅好食、坐得舒服(原来只系得我去开果间先可以)，重点系d朋友佢地几年先返香港一次，想请佢地食餐饭开心吓，点知重比佢地笑话几年冇返香港而家d酒楼伙计做嘢好差㖞，又话你成日去??.....笑到我都唔知点答咩面都冇晒啦，睇怕以后徐左我去开果间之外都唔好介绍人去