醉鍋 (V Point)

营业中

休息中

拍拖周年纪念今晚约咗老公去铜锣湾食高质打边炉。餐厅见到美丽嘅维港海景，我六点几去到，见住维港由日头变夜晚嘅风景，觉得真系好靓。睇住靓景食打边炉特别写意。餐厅有几个卖点：第一，服务态度超级好。今时今日喺香港好难揾到咁细心嘅服务态度。跟住又会主动帮我哋影相。第二，汤底好有特色同好饮。因为第一次嚟呢度，汤底种类好多。 而餐厅职员就推介咗三款汤底花胶药材鸡汤拼黑松露杂菇汤两个汤底超级好饮，净系饮个汤底都好好味。好味到唔舍得放材料落去煮，怕会变味。但原来呢啲放咗食材入去煮，令食物更加好味。第三，人工新鲜包既水饺嘅同手工面菠菜九菜猪肉饺同埋黑色既虾蟹蛋饺饺皮同馅都系即日自制即日包，用天然调色剂。 除咗个颜色唔同，都食到本身原材料嘅味道。三色面有菠菜，墨汁同埋红萝卜嘅。最后，有特色小菜。因为知道餐厅嚟紧会转私房菜，新大厨整左个新嘅菜式俾我地试。 竹炭豆腐嘅小菜出面系脆卜卜嘅竹炭入面有惊喜味道，非常好食同创新。 总结： 今餐嘅晚餐令我哋食得好relax同好开心。