El Cerdo (大壩街) (已結業)

第一次食西班牙菜🍽，所以唔知系咪算正宗😂，只可以讲每道菜既特色。二人Set Dinner有两款，分别既系贵啲果款菜色唔同，同埋main course 可以4拣2😎。前菜有沙律🥗同汤拣，沙律菜够新鲜，同埋个dressing好好味，酸酸地好开胃😋，份量恰到好处，唔会搞到啲菜太湿。头盘当然唔少得西班牙风干火腿🍖，火腿咸香味浓，𡁻落好香，又唔会好咸。另外仲有粟米蓉带子配猪腩片🐽，火腿露笋配流心蛋🍳。主菜我地拣左西班牙炒饭同埋牛扒🥩，炒饭好足料，有青口，虾🦐，鱿鱼🦑，口味偏重，可能呢啲就系西班牙特色。牛扒要5成熟，煎得刚刚好👍🏻，外脆肉汁丰富。最后甜品有两款，特别一赞，openrice订位时注明周年纪念，店员喺迷你巴斯克芝士蛋糕木板写上“Happy Anniversary ”😍。整餐饭性价比高，食物质素好好👍🏻，店员服务都好好，值得推介俾大家💯。