明道

营业中

休息中

今次介绍呢间餐厅系一间只开业大概一个月嘅新餐厅，唔系集团经营，系一间好有实力嘅日本菜餐厅。餐厅环境清雅﹑舒服，如果想静一啲可BOOK房，房可容立8人。入正题，同大家介绍下我呢餐食左咩，主要分两部份。分别系串烧同shabu shabu，先同大家睇下我食左咩野串烧:烧鸡颈肉: 鸡颈肉由厨师人手慢慢起骨，味道清新，有咬口，平常好难有得食到。八里香(鸡patpat): 点解唔系七里香会变左八里香呢~因为比七里香更好食，鸡味浓郁，有咬口，唔似台北夜市入面食到个啲会有骚味，因为厨师要求要人手清晒入面嘅内脏同污糟野，一定冇异味，绝对要试。烧鸡皮: 烧得酥脆，食落有股淡淡嘅碳香味，可以试一试唔落柠檬汁食食个原味。烧鳗鱼: 鱼皮烧到酥脆，但鱼肉唔会过熟，而且又香又滑，唔落柠檬汁便可食到鱼嘅鲜味。牛舌: 牛味浓郁，肉汁丰富，厨师落嘅调味完全可以带出牛肉嘅鲜味，呢样一定要试。Shabu shabu: 大厨为我地准备左龙虾鲍鱼和牛大餐! 我地先食味道教清淡嘅龙虾鲍鱼，海鲜系新鲜即㓥嘅，鲜甜味美，再配厨师特制酸汁，鲜味再提升到另一个层次。到牛肉嘅部分，今次有三款唔同嘅牛，名就唔记得啦，但佢地嘅分别系油脂嘅多少。