Milu Thai มิลู่ไทย (百樂中心)

营业中

休息中

好耐冇食泰国嘢，喺openrice揾倒哩间。原本想试下火焰烧鸡，居然7点未够就话卖晒，惟有食其他吧。青咖哩软壳蟹 - 热住上当然香喷喷，咖哩微辣好惹味。个底仲有啲青豆呀西兰花等几款蔬菜。主角软壳蟹就稍嫌厚粉咗啲。蒜蓉包 - 跟青咖哩上。蒜蓉味非常惹味，咬完面𠮶层蒜蓉先淋青咖哩，又另一番风味。小食拼盘 - 有春卷，鱼饼，虾饼，香叶鸡。全部都唔差上枱非常热，香叶鸡颇滑, 啲虾片又脆又有虾味~盐烧鲗鱼 - 全晚之最。好大条，烧得透够熟之余仲可以保持每个部位都咁juicy啲鱼肉都咁滑, 火候控制得恰到好处；个汁亦酸辣得宜。赞！后记 - 清水都有青柠味，颇有诚意。员工都几有礼貌，食物质素几好，惟菜单冇甜品有啲奇怪。如果唔系只收现金就仲好啲。为咗再食盐烧鲗鱼同试下个火焰烧鸡会再嚟。