泰海鮮 (已結業)

今晚早收工，同事话想食海鲜，但蒸锅无咩惊喜，咁我就吹鸡，头文字 V, 走转入屯门青山湾三圣村揾野食，入到大牌坊，已经见到好多海鲜档，好多人买料加工， 但我向来心急，无心机慢慢拣，隔离有几间靓豪装海鲜酒家，价钱都应该几豪$$$$$$....但我系食味道，唔系食装修，装修留比白蚁食， 我地再行入啲，就见到间泰海鲜，个名又几特别， 唔通系食泰式海鲜？又几过瘾㖞，再睇睇，装修唔算豪，但胜在地方宽敞企理，我地就决定入去试试。看见餐牌，真系有泰式小食！仲有好多泰式丶特式煮法， 我地就拣左忌廉白酒煮大花甲配乌冬底 丶青山湾芝士焗龙虾 丶豉椒炒圣子皇配米粉底 丶 油盐焗奄仔蟹 丶 鲜料海鲜汤 丶 辣酒煮花螺等，仲叫左两个小菜，虾膏虾干蒸腩肉同招牌炸子鸡，食落有惊喜！ 配搭够独特，价钱可以用平靓正来形容，最紧要系佢独特嘅烹调方法，有别于一般海鲜酒家， 老板真够 heart! 今晚大家食得好开心， 个个lam lam 脷， 绝对可以再 Encore!