瀧宴日本料理

营业中

休息中

寻晚食左间搜罗左好耐嘅铁板烧omakase, 由经验丰富又超nice嘅厨师掌舵，成餐饭除左可以即席欣赏面前师傅嘅用心烹调，食物嘅卖相同味道都做到极缴，真心enjoy x100000😍😍首先有前菜，包括萤光鱿鱼、糖醋蕃茄等，超级开胃呀。师傅每一道菜都会简单作介绍，又会建议进食嘅先后次序，务求令口感味道更加升华！然后到刺身，有真雕配松露油，池鱼，吞拿鱼，三款鱼同样口感软滑，食落充满丰富天然鱼油香寿司有伊佐木，黑木鱼，呢两种鱼我第一次品尝，雪白通透，脂肪丰盈，肥美甘香雪藏蟹配贝壳面，蟹肉好厚实，配贝壳面觉得呢个配搭几fusion,个汁要认真试下，我觉得非常唔错呀！！！啲牛煎到刚刚好五成熟，满满肉汁，其中两旧仲有惊喜，包左d香葱喺入面架，劲好食😍银鳕鱼口感好柔软滑嫩，个面煎得极香！最后仲有日式炒饭同白酒啫喱甜品作结。觉得餐厅全部食材都系靓料而且自身鲜味/师傅调好左嘅味都已经好足，基本上我都冇点额外嘅酱汁已经超级好味！同埋啲食物真心摆得好靓😍下次要带埋成家黎帮衬！