瀧宴日本料理

营业中

休息中

銅鑼灣糖街Sugar+商廈落成一年，樓齡十分新，裡面有數間高級餐廳，自己中意食鐵板燒，今次就試咗瀧宴日本料理。自家製醬汁煮南非鮑魚自家製醬汁味道有少少辣，南非鮑魚質感軟腍，醬汁都令鮑魚好入味。季節刺身三款刺身有鯖魚，伊佐木，拖羅，鯖魚同伊佐木魚味濃郁，拖羅魚質肥美。金鎗魚腩手卷 同平時食開手卷吾同，師傅用上醉蔥餅代替紫菜，而且事先師傅已調味，金鎗魚腩蓉有入口即溶感。海鮮茶碗蒸茶碗蒸估唔到幾有驚喜，裏面有大量蟹肉，食材好新鮮，蛋味香濃。季節吸物大蜆湯蜆肉新鮮冇沙，湯品清潤，味道自然。野生生猛龍蝦龍蝦配以日本綠茶粉，味道比一般龍蝦清新。龍蝦肉爽口清甜，蝦膏味道令人難忘。香煎鵝肝伴自家制醬汁煎鵝肝做到吾腥，油脂豐富，自家製醬汁香甜。美國頂級牛柳有厚燒同薄燒，厚燒相對口感豐富，薄燒薄薄的一層亦品嚐到淡淡牛肉味。煙肉香蒜炒飯炒飯粒粒分明，加上煙肉粒令香氣更提升。是日精選甜品白桃啫喱清新解膩。

最近工作壓力太大，今日俾自己放縱吓，放一日假抖抖，今日晏畫行經銅鑼灣，記得曾經mark低過一間好想試嘅日本鐵板燒就在銅鑼灣糖街，於是走去試吓呢間嘅午餐先。一入到呢間餐廳，俾佢個無敵兼居高臨下嘅景色吸引住對眼球👀，可以望到全維港景色兼整個維園景，淨係個景已經加晒分喇。今日試食咗個$488午餐，足足有9道菜，呢個價錢極為吸引。➰ 季節前菜 （煙燻吞拿魚沙律）兩件厚厚兼肥美嘅吞拿魚刺身，既有濃濃嘅煙熏味，再配以師傅自家製嘅蒜蓉醬，同埋同埋炒製過嘅紫洋蔥，提升咗口感層次，使到味道更加豐富。➰ 季節刺身二款 （深海池魚+吞拿魚赤身）深海池魚肉质鲜嫩，口感细腻，而吞拿魚赤身則带有淡淡的油脂香。➰ 精選壽司2款 （伊佐木壽司 + 鯛魚壽司）伊佐木壽司口感細膩，魚味濃郁，帶有魚油的芳香，滑而不膩。而黑松露鯛魚壽司同樣係肉質滑嫩，加埋黑松露的香氣嘅融合，口感極為豐富，層次分明。➰ 香煎法國鵝肝師傅把鵝肝煎到外焦里嫩，口感细腻，油而不腻，搭配埋意大利陳醋汁的酸甜，能中和鵝肝嘅油膩感，再加埋師傅特別醃製過嘅日本黑豆，口感甜甜哋，更可解膩。➰ 香草牛油帆立貝師傅用少許牛油把帆立貝煎香，肉質夠鮮嫩，口感好Q彈，

⌇瀧 宴 日 本 料 理“ 🍱 “ Lunch Set ( $ 4 4 8 )瀧宴日本料理Lunch Set呢個價錢有9道菜，包括刺身、壽司同鐵板燒，超級大滿足🤩當日季節前菜有豆腐沙律，刺身有黑木魚同吞拿魚刺身，黑木魚香氣濃郁🎏然後精選壽司係依左木、池魚壽司，師傅已經為壽司調味，將魚嘅鮮味帶出🍣 接住到鐵板燒食物，首先有野生大虎蝦，非常有牛油香味，口感彈牙🍤 跟住係香草牛油帆立貝，底部有海帶汁襯托帆立貝嘅鮮味😋 下一道菜香煎鵝肝伴自家醬汁，睇到鵝肝係非常大！但唔會覺得膩😉 然後到牛嘅部份，食左米國頂級牛肉，厚燒同薄燒都試左，平時偏好厚燒嘅我覺得包住蔥嘅薄燒都非常出色，另有岩鹽同蒜片調味🥩 然後有炒什菜配自家製蒜蓉醬，蒜蓉醬味道好邖出！最後係鐵板櫻花蝦炒飯配麵豉湯完結美滿嘅一餐😋餐廳位於銅鑼灣Sugar+ 26樓，有落地玻璃飽覽維園同維港景色，光線充足，室內裝修亦有心思✨總括而言呢個午餐非常滿足，食物環境都好滿意，師傅亦細心解釋每一道菜，非常推薦👍🏻🦞瀧宴日本料理銅鑼灣糖街25-31號Sugar+ 26樓🍞#foodraah_cwb

尋晚食左間搜羅左好耐嘅鐵板燒omakase, 由經驗豐富又超nice嘅廚師掌舵，成餐飯除左可以即席欣賞面前師傅嘅用心烹調，食物嘅賣相同味道都做到極繳，真心enjoy x100000😍😍首先有前菜，包括螢光魷魚、糖醋蕃茄等，超級開胃呀。師傅每一道菜都會簡單作介紹，又會建議進食嘅先後次序，務求令口感味道更加昇華！然後到刺身，有真雕配松露油，池魚，吞拿魚，三款魚同樣口感軟滑，食落充滿豐富天然魚油香壽司有伊佐木，黑木魚，呢兩種魚我第一次品嚐，雪白通透，脂肪豐盈，肥美甘香雪藏蟹配貝殼麵，蟹肉好厚實，配貝殼麵覺得呢個配搭幾fusion,個汁要認真試下，我覺得非常唔錯呀！！！啲牛煎到剛剛好五成熟，滿滿肉汁，其中兩舊仲有驚喜，包左d香蔥喺入面架，勁好食😍銀鱈魚口感好柔軟滑嫩，個面煎得極香！最後仲有日式炒飯同白酒啫喱甜品作結。覺得餐廳全部食材都係靚料而且自身鮮味/師傅調好左嘅味都已經好足，基本上我都冇點額外嘅醬汁已經超級好味！同埋啲食物真心擺得好靚😍下次要帶埋成家黎幫襯！

餐廳位於Sugar+ 26/F，坐擁大坑同埋維園嘅夜景，超級推薦夜晚嚟食，一路食一路欣賞香港嘅夜景✨而家做緊優惠，以promotion price $880享用原價$1380嘅Takiyan Tasting Menu✨自家製醬汁煮南非鮑魚鮑魚浸得又淋又入味，自家製醬汁好有日式風味，白蘿蔔比想像中更加清甜！好出色地kick start呢餐盛宴✨季節刺身3款先食鯛魚、再食青花魚，最後係吞拿魚厚切刺身，非常新鮮，而且充滿魚香，個人覺得青花魚最出色💯✨金鎗魚腩手卷由底數上係米餅、壽司飯、呑拿魚碎、用米粉做嘅鹽以及少量芝麻碎🥹唔用紫菜反而用口感爽脆嘅米餅，呢個配搭好新奇😛✨海鮮茶碗蒸滿滿嘅蟹肉，日本🇯🇵蛋嘅味道真係特別香，份量都幾大同好滑身✨季節吸物濃郁嘅龍蝦湯，實在係龍蝦盛宴✨野生生猛龍蝦🦞坐吧枱位最開心係可以見到師傅成個備餐過程，由拎隻好生猛游緊水嘅龍蝦出嚟劏、沖水、煎，到最後用膏煎至金黃色，再加埋日本紫菜粉👍🏻龍蝦大大隻非常多肉而且肉質彈牙鮮嫩，性價比好高✨香煎鵝肝伴自家製醬汁脂肪感爆棚嘅鵝肝配自家製黑醋醬😋食完仲有兩粒黑豆解膩，toast烤得好香脆！✨美國頂級牛柳肉味香濃，唔需要額外用鹽

位於銅鑼灣Sugar+樓上的高級日本餐廳，環境優美，遠眺城市夜景，特別適合慶祝。餐廳以其精緻的菜品和創新的烹飪手法而著稱，無論是海鮮還是肉類，每道菜都展現了廚師的用心與才華。🤍自家製醬汁煮南非鮑魚一道人印象深刻的開胃菜，經過三小時的慢煮，鮑魚的鮮嫩質感充分釋放，入口即化。醬汁既香濃，又令鮑魚的自然鮮味不被掩蓋，反而得到了完美的提升。🤍季節刺身拼盤季節刺身拼盤由三款新鮮海鮮組成:水八爪魚、青花魚和吞拿魚。水八爪魚的肉質彈牙，經過精細的切割，搭配一點檸檬汁，提升了海味的鮮香。青花魚肉質細膩，脂肪分布均勻，油脂的香氣隨著每一口慢慢釋放。而吞拿魚則厚切，鮮紅的色澤讓人食指大動，口感滑順，入口即溶。🤍金鎗魚腩手卷使用了餅皮撻代替傳統的紫菜，這樣的搭配讓口感更為豐富。魚腩經過淡碎鹽調味，鮮味十足，無需再沾豉油，已經能讓人感受到滿滿的滋味，餅皮的酥脆與魚腩的柔滑形成了完美的對比，令人驚喜。🤍海鮮茶碗蒸茶碗蒸質地香滑，鮮甜的湯底中融入了鮮蝦、蟹肉和魚片，每一口都散發著海洋的氣息。茶碗蒸的滑嫩與海鮮的鮮味交織，令人一口接一口。🤍季節吸物為適合季節享用的蜆肉清湯，味道清新，沒有添加額外調味，10分鮮甜。🤍

自家製醬汁南非鮑魚鮑魚口感剛剛好，好嫩滑柔軟，調味適中不會太咸太淡，幫你切好埋，唔使自己用刀。金倉魚腩手捲 以為係普通嘅手捲，點知係上面係金倉魚蓉，飯下面係米餅，wasabi同醬油本身已經調好左味，放入口成個配搭味道啱啱好 ，可以話係完美嘅調味。我同朋友食到讚不絕口，依道菜係我地覺得最驚喜，也發揮咗廚師嘅創意。海鮮茶碗蒸茶碗蒸入面有菇同唔同嘅料 季節吸物個湯係蜆湯，裏面有海帶，有好特別清新嘅香草味，好好飲，飲到停唔到口。 深海池魚 鯛魚 吞拿魚 我自己覺得鯛魚好清香，朋友喜歡池魚有種油脂香 活龍蝦睇住佢由缸活生生撈出嚟，到在鐵板上被煮，然後最後入咗你個口。廚師已經用蝦膏做了調味醬汁再炒埋龍蝦肉，十分香濃。食完啲肉以為已經冇肉嘅時候，廚師同我哋講反轉個頭裏面佢放左啲肉係入面，可以食埋，嗰啲肉冇落醬汁炒，原汁原味的鮮味，體會廚師的細心。鵝肝煎得好香，醬汁酸酸甜甜，同鵝肝連多士一齊食好夾，味道好balance！食完再食果兩粒黑豆解膩，連果兩粒黑豆味道都好好味好鮮甜！鐵板煎牛扒揀左五六成熟，有薄切同厚切兩款薄切裏面夾咗啲蔥，厚切牛扒可以同蒜片一起吃。味道出色炒飯粒粒分明。炒雜菜 甜品係巨峰提子

男朋友生日前夕上咗嚟間餐廳慶祝，Openrice見到佢個tasting menu好吸引，一個menu咩都有哂：魚生刺身，鮑魚，龍蝦，鵝肝，牛柳，係慶祝生日嘅好地方。然後去完真係冇令我哋失望！佢哋每一道菜都展示咗廚師嘅用心同日本料理嘅細膩，無論係食材質素、烹調手法定擺盤，都係一場視覺同味覺嘅饗宴。自家製醬汁煮南非鮑魚Wow! 第一道菜就食鮑魚，太奢華了吧！南非鮑魚選用咗醬油底嘅自家製醬汁長時間慢煮，令鮑魚充分吸收咗醬汁嘅鹹香，入口鮮甜而有嚼勁。配搭嘅蘿蔔亦同樣吸收咗醬汁嘅精華，柔軟而入味，作為開場菜式，呢道菜係非常好嘅開始。🐚🍢季節刺身 3款季節刺身係由油甘魚、鯛魚同吞拿魚赤身組成。每款魚生都係當季最鮮美嘅選擇，油甘魚脂肪分佈均勻，入口即化；鯛魚清淡爽口，肉質細緻；吞拿魚赤身則富有彈性而無過多油脂，味道鮮甜。呢個刺身拼盤擺盤精美，魚生新鮮度極高，絕對係日式料理中不可或缺嘅部分。🍣🐟吞拿魚蓉米餅呢道菜比咗我好多驚喜！將傳統嘅壽司飯同吞拿魚蓉結合，並搭配特別嘅米餅，整體口感層次超級豐富！吞拿魚蓉配上蔥花，味道清新。好特別嘅係，呢度用嘅鹽係用米粉製成，呈片狀，係一道非常有創意嘅點綴，鹹味恰到好

坐擁維園維港靚景，裝潢華麗有氣派，有日式料理及日式鐵板燒，廚師即席烹調，而海鮮更是活捉活煮，好新鮮！ Tasting Menu 網上預訂有65折優惠🤩 好抵食！有鮑魚/活龍蝦/鵝肝/刺身，用料上乘份量十足！自家製醬汁煮的南非鮑魚非常入味，鮮甜的味道完全突顯了鮑魚的本身風味，肉質彈牙，絕對不韌。野生龍蝦的新鮮度無可挑剔，肉質彈牙且醬汁提升了整體風味，讓人停唔到口。香煎鵝肝外脆內軟，搭配黑豆，好特別。美國頂級牛柳厚切的蒜片炸得香脆，肉質鮮嫩多汁，搭配生洋蔥沙律，更有層次。另外還有薄切牛肉，油脂滿溢，包住蒜及葱，超級好味！季節刺身——真鯛、深海池魚，無論口感或新鮮度都讓人讚嘆。蔥拖羅中餅，魚腩的油脂與中餅的糯米香互相配合，令人回味煙肉香蒜炒飯炒什菜海鮮茶碗蒸季節吸物是日精選甜品～巨峰提子啫喱

男朋友為左慶祝週年紀念日，訂左呢間高級鐵板燒位於銅鑼灣sugar + 26樓，餐廳遠望海景，岩哂同家人另一半慶生晚市Takiyan Tasting Menu 而家做緊優惠價$880就可以食到❗️✨自家製醬汁煮南非鮑魚醬汁鮮甜味完全冇蓋過本身鮑魚鮮味，鮑魚爽口彈牙搭配比醬汁煮既白蘿白真係絕配✨季節刺身三款八爪魚吸盤🐙 師傅利用柚子帶出魚嘅鮮甜味鯖花魚 肉質厚實配搭蘿白蓉食更清甜中拖羅 油分恰到剛好無筋，魚味濃厚✨金鎗魚腩手卷以米通作為一般既紫菜手卷，配搭上Toro蓉加上淡雪鹽和食用花，賣相相當吸引✨海鮮茶碗蒸第一次食咁大碗茶碗蒸🤣內裏有菇、蟹絲、銀杏果✨ 香煎鵝肝伴自家制醬汁鵝肝煎到金黃色，外層香脆焦香內裏軟滑，蘸埋自家醬汁食甜甜地又解膩✨ 野生生猛龍蝦🦞🦞師傅即場捉活原隻龍蝦，確保食材新鮮程度👍🏻龍蝦肉超鮮嫩爽彈，配搭龍蝦膏製作成嘅醬汁味道更濃郁✨ 美國頂級牛柳牛柳粒軟腍惹味搭配金黃香脆炸蒜片，和牛薄燒肉汁豐富牛味濃郁，捲埋香蔥食就無咁膩✨節日吸物。海帶花蛤湯湯底清甜，兩大粒蜆肉鮮甜美味✨ 煙肉香蒜炒飯煙肉🥓配合香蒜蛋炒飯令到味覺口感上更加豐富 ✨ 炒什菜師傅用左日本芽菜，日本芽菜比起平

去咗銅鑼灣Sugar+ 26樓嘅瀧宴日本料理食鐵板燒，真係超級滿足呀！😍 環境真係一流，落地玻璃可以飽覽維港同維園嘅景色，真係好靚！✨餐廳裝修都好有心思，燈光柔和，氣氛浪漫💕講返食物，我哋叫咗個Tasting Menu，真係道道都精彩！😋首先係自家製醬汁煮南非鮑魚，鮑魚好腍好入味，個醬汁少少辣，好惹味！跟住季節刺身3款，新鮮肥美，入口即溶！金鎗魚腩手卷用餅代替紫菜，好特別！師傅調味得啱啱好，金鎗魚腩蓉入口即溶，真係好正！👍🏻 茶碗蒸好有驚喜，好多蟹肉，蛋味香濃，好滑！季節吸物係蜆湯，清甜鮮美，好滋潤！主菜方面，野生生猛龍蝦龍蝦肉爽口彈牙，令人回味無窮！🤤 香煎鵝肝伴自家制醬汁鵝肝煎得外脆內嫩，油脂豐富，入口即化！個醬汁甜甜哋，好夾！美國頂級牛柳可以揀厚燒或者薄燒，我哋兩種都試咗，厚燒口感豐富，薄燒就比較嫩滑，各有千秋！跟住係煙肉香蒜炒飯，粒粒分明，好香口！最後嘅炒什菜同甜品都好出色！總括嚟講，瀧宴日本料理無論係食物、環境定服務都無可挑剔！💯 師傅手勢一流，食材新鮮，每道菜都好有心思！真心推薦俾大家！💖#瀧宴日本料理 #鐵板燒 #銅鑼灣美食 #香港美食 #相機食先 #foodie #h

今日又上咗嚟Sugar+食好西，呢間瀧宴非常之值得推薦，尤其佢嘅鐵板燒食得出火候同功架十足。今次就食一個原價$1480嘅鐵板燒全餐。大蝦配鰹魚啫喱大蝦鮮彈、下面嗰個柚子沙葛就最特別慢煮鮟鱇魚肝火候啱啱好，非常Creamy火炙吞拿魚刺身級，魚味非常之濃鐵板燒第一道嘅先上虎蝦，係我最鍾意嘅菜式之一。佢煎到嗰啲肉都脆埋，但係裏面仲好濕潤。呢個真係重頭戲，鮑魚擺落去鐵板嗰陣時仲識郁，之後已經俾人分屍到一片片。食落口一啲都唔韌，非常之滑。最鍾意佢配埋嗰個紫菜醬，帶子仲係半生熟牛肉質感十足，肉汁喺個口爆出嚟咁樣一個蜆清湯，啱曬清一清口腔。仲唔夠飽就同師傅講多飯喇，睇住佢炒到香噴噴，一碗都真係唔多夠。原來仲有菜未食，炒銀芽重點係猛火快炒，令佢唔會淋曬。配埋自家芝麻蒜香醬，嚟到最尾都好食。甜品]係一個柚子雪葩，清一清個口腔啱晒數

今日同朋友慶祝升職，所以就揀咗呢一間喺銅鑼灣嘅鐵板燒佢喺地鐵站行過去大概都係5分鐘嘅距離，我覺得都非常方便，而且位於銅鑼灣中心，之後想過去大坑飲杯嘢都非常快捷！餐廳喺皇室堡廣場隔離非常容易搵到，而且係頂樓，可以盡覽成個維港嘅景色真係一路食飯一路有靚景睇冇得輸！✨磯煮鮑魚, 鮑魚非常入味，而且好大隻，我本身都好鍾意食鮑魚，所以都幾鍾意呢一個煮法嘅鮑魚呢一個係日本嘅煮法喺出邊都好少地方可以食到. 而且餐廳喺鮑魚下邊加咗自家製嘅大根，口感都幾清爽幾好食！✨刺身三點，包括有池魚中拖羅同埋秋刀魚，而家秋天呢一個季節食就最好食，秋刀魚非常肥美，而且魚味濃郁又香, 鍾意食秋刀魚嘅朋友唔可以錯過！中拖羅非常肥美，而且油香非常豐富，我本身都非常鍾意食吞拿魚。覺得佢吞拿魚嘅質素同日本嗰啲簡直係一樣。加埋餐廳自家製嘅Wasabi， 正！✨香煎鵝肝。鵝肝嘅味道非常好食，而且絕對冇蘇，加埋多士同埋餐廳特別條配嘅醬汁，簡直係另一個層次，熱辣辣香煎鵝肝真係非常好食！✨美國頂級牛柳，時間方便控制得好好見到牛肉嘅肉身都係呈現出粉紅色睇得出餐廳喺烹調嘅時間控制得非常好，顯得廚師嘅功架！美國頂級嘅牛柳本身味道同埋肉質都非常

這間餐廳早已在我的bookmark list 中最近注意到他們推出的指定晚市套餐經OpenRice訂座享有半價優惠。而且窗邊更有特大玻璃窗可以眺望到周圍璀璨的夜景，營造出迷人的用餐氛圍。❖ 尊貴鐵板燒鮑魚龍蝦鵝肝套餐 ⟡‧₊自家製醬汁煮南非鮑魚⟡‧₊季節刺身三款(鯖魚，伊佐木，拖羅)⟡‧₊西班牙金鎗魚腩手卷⟡‧₊海鮮茶碗蒸⟡‧₊澳洲龍蝦⟡‧₊香煎鵝肝伴自家製醬汁⟡‧₊美國頂級牛柳(厚燒/薄燒)⟡‧₊季節吸物⟡‧₊丹麥煙肉香蒜炒飯⟡‧₊炒什菜⟡‧₊是日精選甜品（白桃啫喱）每道菜品都展現了廚師的精湛技藝和對食材的細緻用心。南非鮑魚的質感既軟嫩又彈牙，煮得十分入味，而刺身則新鮮肥美，令人驚喜！龍蝦即場劏開，當店員端上食材時，還能看到龍蝦在微微郁動。採用新鮮的龍蝦果然不同，每一口龍蝦肉都彈牙緊致，吃下去感受到滿滿的幸福感( ˘ ³˘)♥鵝肝和牛肉等食材的表現也非常出色，鵝肝的油脂香氣撲鼻，自家調製的黑豆及醬汁更是令味道昇華。牛柳的蒜香味道濃郁，熟度掌握得恰到好處。這頓飯充分體現了廚師的用心與專業，並且廚師耐心地解釋每道菜式的吃法，讓人倍感賓至如歸。這絕對是近期吃過的最佳鐵板燒，強烈推薦給大家！