影片
更多
2021-10-01
828 浏览
今时今日嘅香港，又话经济衰退，股市大跌，疫症横行，中美贸易大战……但系星期日晏昼去茶楼食餐饭，都真系估唔到要等成个钟头飞，痴线。其实咁多人排队等飞，得两个原因：一系间餐厅好好食，一系间餐厅卖啲嘢好鬼平。而今次海王渔港又真系好食得黎又几平。我哋一行四人，被安排入咗一间类似杂物房嘅厅，依个间出嚟嘅「厅」放咗两张枱，同埋一大堆一大堆唔用又叠左高嘅枱櫈，真系顶佢唔顺，等咗成个钟头飞坐杂物房。终于换咗另一个位，个支客面口西下西下，好似觉得我哋嫌三嫌四咁，但将心比己，坐杂物房依样野真系痴线。我哋叫咗个超值龙虾鲍鱼四人餐$880，连埋+1同埋茶钱$1012，平均～$250一个人。青瓜海蜇拼沙姜猪蹄粒 🤤啲黑醋酸酸尾尾几开胃，海蜇正常味，猪蹄粒好食，连埋佢𠮶粒生嘅红洋葱🧅一齐食，辣辣地又酸酸地又爽爽地，哗，谂起都好肚饿。红烧脆皮乳鸽（每位半只）由于乳鸽卖晒，转左烧腩仔例牌😐个皮都系脆嘅，啲肉都唔算咸，但稍嫌肥咗啲，酒楼黎讲算系正常水准。上汤焗开边龙虾伊面（每位半只）🤤每人有半只，其实都唔系话特别多肉，但啲肉食起上嚟系爽甜，feel到系新鲜嘅，酒楼黎讲，难得！伊面都煮得唔太淋，味道唔咸，但稍嫌油咗啲，食
今时今日嘅香港，又话经济衰退，股市大跌，疫症横行，中美贸易大战……但系星期日晏昼去茶楼食餐饭，都真系估唔到要等成个钟头飞，痴线。其实咁多人排队等飞，得两个原因：一系间餐厅好好食，一系间餐厅卖啲嘢好鬼平。而今次海王渔港又真系好食得黎又几平。
我哋一行四人，被安排入咗一间类似杂物房嘅厅，依个间出嚟嘅「厅」放咗两张枱，同埋一大堆一大堆唔用又叠左高嘅枱櫈，真系顶佢唔顺，等咗成个钟头飞坐杂物房。
终于换咗另一个位，个支客面口西下西下，好似觉得我哋嫌三嫌四咁，但将心比己，坐杂物房依样野真系痴线。
我哋叫咗个超值龙虾鲍鱼四人餐$880，连埋+1同埋茶钱$1012，平均～$250一个人。
青瓜海蜇拼沙姜猪蹄粒 🤤
啲黑醋酸酸尾尾几开胃，海蜇正常味，猪蹄粒好食，连埋佢𠮶粒生嘅红洋葱🧅一齐食，辣辣地又酸酸地又爽爽地，哗，谂起都好肚饿。
红烧脆皮乳鸽（每位半只）由于乳鸽卖晒，转左烧腩仔例牌😐
个皮都系脆嘅，啲肉都唔算咸，但稍嫌肥咗啲，酒楼黎讲算系正常水准。
上汤焗开边龙虾伊面（每位半只）🤤
每人有半只，其实都唔系话特别多肉，但啲肉食起上嚟系爽甜，feel到系新鲜嘅，酒楼黎讲，难得！伊面都煮得唔太淋，味道唔咸，但稍嫌油咗啲，食多几啖都会觉得几腻，怕腻嘅可以用啲水浸下啲伊面，咁就好好多。
西兰花炒带子珊瑚蚌 🙂
有镬气，西兰花炒到爽脆，带子珊瑚蚌都入味，但都唔咸，唔错！
私房榄豉酱蒸龙趸斑（约两斤重）🤤
新鲜！蒸鱼嘅时间啱啱好，啲肉滑得黎有鱼味，配埋甜甜地嘅榄豉酱一齐食，成个配搭都好唔错。
盐烧六头鲍鱼🤤
本身麻麻哋食鲍鱼，但依碟系我食过最好食嘅鲍鱼，佢盐烧得黎唔会整到好似擦子胶咁难咬，啲肉爽口，个裙边就有少少嘅脆，味道就有啲似椒盐+避风塘嘅整法，少少辣，好食，改变左我一直对新鲜鲍鱼嘅睇法。
燕窝炖奶 😐
本身唔钟意口水，炖奶都算OK又唔太甜，酒楼黎讲冇得要求太多，算正常水平。
Mcmug综合评分：7.5/10🤤，支客西口西面，传菜嘅寸寸咀咀，好彩我生得靓仔冧得掂个侍应，冧到佢俾左几张湿纸巾我同埋帮我换两次碟✌️。Your face Your fate，如果你自信可以冧得掂啲呀姐或者唔介意啲服务态度，而又著重食物质素，依度真系值得一试！
Mcmug综合评分：8/10 好味
「好食7级🐽」：
☹️👹极度难食，中伏 very very bad bad
☹️难食 very bad
🙁几难食 bad
😐普通no good no bad
🙂几好食good
🤤好食 very good
🤤😇好鬼好食，必试 very very good good
张贴
