影片
更多
2007-08-29
31 浏览
见d食评弹得咁劲，等我黎中和下。事先声明：本人不认识任何有关此餐厅既人，绝无裙带关系。去食系因为睇左饮食男女，先至订枱同同事一齐黎睇下靓仔。见饮食男女张相，就觉得呀大鼻厨师好似冯德伦～我地坐系门口旁边落地玻璃旁既位置，距离厨房最远。可能因为中午太阳猛，我就觉得d冷气唔系好够，个位几热下。靓仔厨师几识做，自己献身上菜，等我地可以近距离见下真人。见完真人后既花名转为「墨屎冯德伦」，好似杂志靓仔d，不过厨师黎讲算系几好样架啦！见过传闻好靓仔既「寿x 喰」日藉厨师，都系好一般，阿叔咁，呢个都算中上。午餐好简单，头盘、主菜及咖啡／茶，甜品要另外order面饱系白白地頪似法国饱切片样，味道ok，够热，钟意食饱既同事都话无下面那位食评人讲既差。因为我地share，食晒成个餐牌既set，头般的沙津OK、蕃茄杂豆汤我觉得OK，同事话无乜味。本来谂住帮下靓仔评反，但系食完主菜之后真系觉得挣唔落。（见图）长通粉- 哇最难食就系佢，同事甲既回应系「通粉啰」，同事乙「如果唔系share，系我order左呢碟野，一定小喇叭啰！」我就觉得texture好似早餐食既通粉，d粉好cheap o个只，即系百x 、惠x 牌
事先声明：本人不认识任何有关此餐厅既人，绝无裙带关系。
去食系因为睇左饮食男女，先至订枱同同事一齐黎睇下靓仔。
见饮食男女张相，就觉得呀大鼻厨师好似冯德伦～
我地坐系门口旁边落地玻璃旁既位置，距离厨房最远。可能因为中午太阳猛，我就觉得d冷气唔系好够，个位几热下。
靓仔厨师几识做，自己献身上菜，等我地可以近距离见下真人。见完真人后既花名转为「墨屎冯德伦」，好似杂志靓仔d，不过厨师黎讲算系几好样架啦！见过传闻好靓仔既「寿x 喰」日藉厨师，都系好一般，阿叔咁，呢个都算中上。
午餐好简单，头盘、主菜及咖啡／茶，甜品要另外order
面饱系白白地頪似法国饱切片样，味道ok，够热，钟意食饱既同事都话无下面那位食评人讲既差。
因为我地share，食晒成个餐牌既set，头般的沙津OK、蕃茄杂豆汤我觉得OK，同事话无乜味。
本来谂住帮下靓仔评反，但系食完主菜之后真系觉得挣唔落。（见图）
长通粉- 哇最难食就系佢，同事甲既回应系「通粉啰」，同事乙「如果唔系share，系我order左呢碟野，一定小喇叭啰！」我就觉得texture好似早餐食既通粉，d粉好cheap o个只，即系百x 、惠x 牌，去意粉x 食既长通粉都好味过佢多多声，即系呢，我地认为自己整都好味过佢。
薯蓉(好似话有鱼，但系唔觉) - 个底落左蛋，好「稀」，我觉得个汁唔得，D薯蓉都唔得，味道好比茶餐厅既扒餐送的薯蓉
意大利饭- 最ok 呢碟，水水咁，不过面头既牛肉粒几「un」
甜品本来想试佢个bread pudding，无，得apple crumble，照杀。呢碟野最ok，不过甜左少少，仲有就系上面既cream定乜鬼都唔系靓野，食得出。
同事话劝癦 屎冯德伦做waiter好过做厨师，我就话如果d野系佢煮既，咁就真系做楼面好过；如果d 野唔系佢煮既，就唔该揾过个好手势既师傅o勒。
计埋$87一位唔系贵，但系好似佢呢区soho尾，都有唔少同佢同价但系好味过佢好多既餐厅。
不过好奇见下靓仔，都可以比OK。
(BTW,我同事话男人个鼻系发财位，面无好痣系大忌，我劝厨师Paul都系去脱左d 癦 佢，可能会更旺财~)
张贴
