阿媽正宗海南鷄 (已結業)

一个人落街揾野食，见到面口餐牌写住正宗海南鸡饭就谂住试下。叫咗个海南鸡饭等咗三分钟就到咗，试咗个鸡汤发觉味道唔错，唔同出面嘅味道，鸡油味几重。跟住就开始试个海南鸡啦，卖相几好，个油饭整到心型咁，试咗旧无点酱嘅鸡后发觉味道一般，然后谂住点酱再试，点知发现个辣酱系泰式辣酱，无咩惊喜，再试下个甜酱油，放到入口试得出系似蚝油嘅味道，而葱油就似烧味店嘅一样。最后再试下叫咗嘅香芋仙草奶茶，味道几香，不过无奶茶味。总结个海南鸡味道一般，酱汁普普通通，不过不失，鸡汤有惊喜，下次可以试下其他鸡饭。