祥勝茶餐廳

营业中

休息中

今日想食西多士就去左大坑一间茶餐厅揾食，见到几间茶档都有唔少人帮衬，随心拣咗一间，咁啱佢下午茶就系有西多士，同先生一人叫咗一份，一杯冻咖啡加一杯冻阿华田，大约10分钟就上枱。首先冻咖啡系冇咩咖啡味比较淡，冻阿华田一上枱摸落去系暖嘅，搅两下啲冰已经溶晒，成杯嘢嘅状态系常温。西多士系由两块白面包夹埋一齐炸，个表面系炸得几脆嘅，虽然两块白面包中间搽上薄薄嘅一层牛油，而切开嘅时候系比较厚嘅白面包，所以整体个味道比较淡，系靠个糖浆先叫做有味道。真心想食到美食，但呢一份西多士加冻咖啡，我系有啲失望嘅，西多士冇西多士嘅味道，冻咖啡唔似系咖啡。下午茶餐西多士加冻咖啡$40。