芽莊越式料理

营业中

休息中

今日放半晏，同同事去咗芽庄食午饭，每人叫咗一个套餐，99蚊包一个小食同主食，饮品要另加$18，加埋一要120几蚊一个人，其实都真系几贵，真系间唔中食吓好了。小食叫咗芥兰苗，主食叫咗烧牛肉捞檬，另加一杯冻越南咖啡。食物质素其实都几高，我好钟意食个芥兰苗，有惊喜！菜好新鲜好嫩，调味都好特别好有越南风味，加咗啲鱼露同虾米仔，酸酸哋好惹味，份量都好足够。烧牛肉捞柠都好食，我特别钟意佢嘅配菜（红白萝卜丝、生菜、芽菜、葱同芫茜），令成个粉食落去好清新好爽口，加埋酸甜辣汁真系一流！牛肉都烧得好香，肉质好嫩好淋，唔靭唔痴牙，调味都做得好好。冻咖啡好香浓好有份量，但有点苦涩，加炼奶嘅咖啡真系清甜好多，正呀！越南咖啡真系我嘅最爱！